രാഹുല് ഈശ്വറിനെതിരെ മീറ്റൂ ആരോപണവുമായി ആക്ടിവിസ്റ്റ് ഇഞ്ചിപ്പെണ്ണ്.സുഹൃത്തും ആര്ട്ടിസ്റ്റുമായ സ്ത്രീയുടെ വെളിപ്പെടുത്തലുമായാണ് ഇഞ്ചിപ്പെണ്ണ് ഫെയ്സ്ബുക്ക് പേജിൽ വന്നിരിക്കുന്നത്. രാഹുല് ഈശ്വര് വീട്ടിലേക്ക് ക്ഷണിച്ച് വരുത്തിയ ശേഷം,ലൈംഗിക ബന്ധത്തിന് നിര്ബന്ധിച്ചുവെന്നാണ് യുവതി ആരോപിക്കുന്നത്.
ടിവിയില് സോഫ്റ്റ് പോണ് വീഡിയോ പ്രദര്ശിപ്പിച്ച രാഹുല് കിടപ്പറയില് വച്ച് തന്നെ കടന്ന് പിടിച്ച് ചുംബിച്ചു. കുതറി മാറിയെങ്കിലും അയാള് പലതവണ ഇത് ആവര്ത്തിച്ചുവെന്നും അവര് പറയുന്നു. വാട്സ്ആപ്പ് സന്ദേശത്തിന്റെ സ്ക്രീന്ഷോട്ട് സഹിതമാണ് ഇഞ്ചിപ്പെണ്ണ് ഫേസ്ബുക്കില് പോസ്റ്റ് ചെയ്തിരിക്കുന്നത്.
പ്ലസ് ടു കഴിഞ്ഞ സമയത്താണ് സംഭവം. സുഹൃത്തായിരുന്ന രാഹുല് തന്നെ വീട്ടിലേക്ക് ക്ഷണിച്ചു. വീട്ടില് അമ്മയുണ്ടെന്നും സംസാരിക്കാമെന്നും പറഞ്ഞായിരുന്നു അയാള് ക്ഷണിച്ചത്. എന്നാല് വീട്ടില് ആരുമുണ്ടായിരുന്നില്ല.
അവിടെ വെച്ച് മോശമായി പെരുമാറാന് ശ്രമിച്ചു. തന്റെ കിടപ്പറ കാണിച്ചു തന്നു. അവിടെ വച്ച് തന്നെ സ്പര്ശിക്കുകയും ചുംബിക്കുകയും ചെയ്തു. അവിടെ നിന്നും ഇറങ്ങിപ്പോയി താന് രക്ഷപ്പെടുകയായിരുന്നെന്നും ഫേസ്ബുക്കില് വ്യക്തമാക്കുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here