വയർ നിറയെ കഴിച്ചു, പണം ചോദിച്ചപ്പോൾ ഹോട്ടൽ കത്തിച്ചു; സംഭവം തൃശൂരില്‍

തൃശൂർ കൈപ്പമംഗലം കണ്ണനാംകുളം ക്ഷേത്രത്തിനടുത്തുള്ള കുടുംബശ്രീയുടെ ചായക്കട കത്തിച്ച കേസിൽ ഒരാൾ അറസ്റ്റിൽ.

നിരവധി ക്രിമിനൽ കേസുകളിൽ പ്രതിയായ ചെന്ത്രപ്പിന്നി സ്വദേശിയായ സുരേഷ് ആണ് അറസ്റ്റിലായത്. ഒക്ടോബർ 5 പുലർച്ചെയാണ് കുടുംബ ശ്രീയുടെ ചായക്കട കത്തിയ നിലയിൽ കണ്ടെത്തിയത്.

തുടർന്ന് പൊലീസ് നടത്തിയ അന്വേഷണത്തിലാണ് ഇയാൾ സ്വന്തം വീടിന് പരിസരത്തെ കാട്ടിൽ നിന്നും പിടിയിലായത്.

ഹോട്ടലിൽ നിന്ന് ഭക്ഷണം കഴിച്ച ഇയാളോട് പണം ആവശ്യപ്പെട്ടതാണ് കട കത്തിക്കാനുള്ള പ്രകോപന കാരണം.