എത്രയും സ്നേഹത്തോടെ, പ്രിയപ്പെട്ടവരെ തേടി ഡി വൈ എഫ് ഐ കത്തുകൾ വരും

മൺപാതയിലൂടെ കുട ചൂടി വലിയ സഞ്ചിയും തൂക്കി വരുന്ന പോസ്റ്റ്മാനെ കാണുമ്പോൾ മനസിൽ വിവിധ വികാരങ്ങൾ മിന്നിമറയും.

അകലങ്ങളിലുള്ളവരുടെ മുഖങ്ങൾ ഉളളിൽ തെളിയും , നവ മാധ്യമങ്ങൾ വ്യാപകമായതോടെ പഴയ കത്തിടപാടുകളെല്ലാം ഓർമയായി.

എന്നാൽ ഗൃഹാതുരമാർന്ന ആ കത്തിടപാടുകൾ തിരിച്ച് കൊണ്ട് വരികയാണ് കോഴിക്കോട്ടെ ഡി വൈ എഫ് ഐ പ്രവർത്തകർ.

നവംബർ 11 മുതൽ 14 വരെ കോഴിക്കോട്ട് നടക്കുന്ന ഡി വൈ എഫ് ഐ സംസ്ഥാന സമ്മേളനത്തിന് ആൾക്കാരെ ക്ഷണിക്കുന്നത് കത്തുകളിലൂടെയാണ്.

പന്നിയങ്കര മേഖലാ കമ്മിറ്റിയാണ് സംസ്ഥാന സമ്മേളനത്തിന് പ്രിയപ്പെട്ടവരെ കത്തുകളിലൂടെ ക്ഷണിക്കുന്നത് . പന്നിയങ്കരയിലെ ഡി വൈ എഫ് ഐ പ്രവർത്തകർ ആയിരം കത്തുകൾ അയക്കും.

ചടങ്ങ് കൈതപ്രം ദാമോദരൻ നമ്പൂതിരി ഉദ്ഘാടനം ചെയ്തു. കൈതപ്രത്തിന്റെ മകനും സംഗീത സംവിധായകനുമായ ദീപാങ്കുരനുള്ള കത്ത് പോസ്റ്റ് ചെയ്യാൻ സoസ്ഥാന സമിതി അംഗം പി ഷിജിത്തിന് കൈമാറി.