പരിക്ക് ഭേദമായില്ല. പൃഥി ഷാ പുറത്തിരിക്കും. ഓസ്ട്രേലിയക്കെതിരായ ടെസ്റ്റില് ഇന്ത്യന് യുവതാരം പൃഥി ഷാ ഇറങ്ങില്ല. പരിക്കിനെത്തുടര്ന്ന് ടീമില് നിന്നും പൃഥ്വി ഷായെ ഇന്ത്യ ഒഴിവാക്കി പകരം മായങ്ക് അഗർവാളിനെ ഷായ്ക്കു പകരം ടീമില് ഉള്പ്പെടുത്തി.
ടെസ്റ്റ് മത്സരങ്ങൾക്കു മുന്നോടിയായി ഓസ്ട്രേലിയ ഇലവനെതിരെ നടന്ന മത്സരത്തിനിടെയാണ് ഷായ്ക്കു പരിക്കേറ്റത്. കണങ്കാലിനേറ്റ പരിക്കിനെ തുടർന്ന് ആദ്യ രണ്ട് ടെസ്റ്റുകളിലും ഷാ കളിച്ചില്ല.
ഷായ്ക്ക് പകരക്കാരനായി മുരളി വിജയാണ് ഇറങ്ങിയത്. എന്നാല് രണ്ടു ടെസ്റ്റിലും മുരളി വിജയ്ക്കു ഫോമിലെത്താന് കഴിഞ്ഞിരുന്നില്ല. ആഭ്യന്തര മത്സരങ്ങളില് തകര്പ്പന് ഫോമില് കളിക്കുന്ന അഗര്വാള് ആദ്യമായാവും ഇന്ത്യന് ജെഴ്സിയില് കളിക്കാനിറങ്ങുക.
ഇംഗ്ലണ്ട് പര്യടനത്തില് ടീമില് ഉള്പ്പെടുത്തിയെങ്കിലും ഇറങ്ങിയിരുന്നില്ല.രഞ്ജിയില് കര്ണാടകയ്ക്ക് വേണ്ടി കളിക്കുന്ന അഗര്വാള് അവസാന മത്സരത്തില് ഗുജറാത്തിനെതിരെ അര്ധ സെഞ്ചുറി നേടിയിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here