2014ലെ ലോക്സഭാ തെരഞ്ഞെടുപ്പില് വോട്ടിംഗ് മെഷീന് തിരിമറി നടന്നെന്ന് വെളിപ്പെടുത്തല്. അമേരിക്കന് ഹാക്കറാണ് ഇക്കാര്യം വെളിപ്പെടുത്തിയത്. ലോക്സഭാ തെരഞ്ഞെടുപ്പ് കൂടാതെ ബിജെപി അധികാരത്തിലെത്തിയ സംസ്ഥാനങ്ങളിലെ നിയമസഭാ തെരഞ്ഞെടുപ്പിലും അട്ടിമറി നടന്നിട്ടുണ്ടെന്നും, അട്ടിമറി വെളിപ്പെടുത്താനിരുന്നതിന്റെ പശ്ചാത്തലത്തിലാണ് ബിജെപി നേതാവ് ഗോപിനാഥ് മുണ്ടെ കൊല്ലപ്പെട്ടതെന്നും ഹാക്കര് ലണ്ടനില് വെളിപ്പെടുത്തി. അതേസമയം ഹാക്കര്ക്കെതിരെ നിമയ നടപടിക്ക് ഒരുങ്ങുകയാണ് തെരഞ്ഞെടുപ്പ് കമ്മീഷഷന്.
ഇലക്ടോണിക് വോട്ടിംഗ് മെഷീന്റെ വിശ്വാസ്യത ഏറെ ചര്ച്ച ചെയ്യപ്പെടുന്ന സാഹചര്യത്തിലാണ് ബിജെപി അധികാരത്തിലെത്തിയ 2014ലെ ലോക്സഭ തെരഞ്ഞെടുപ്പില് വോട്ടിംഗ് മെഷിനില് വ്യാപകമായി തിരിമറി നടന്നിട്ടുണ്ടെന്ന് അമേരിക്കന് ഹാക്കര് വെളിപ്പെടുത്തിയത്. ഇന്ത്യന് ജേര്ണലിസ്റ്റ് അസോസിയേഷന് ലണ്ടനില് നടത്തിയ വാര്ത്താ സമ്മേളനത്തിലാണ് ഹാക്കര് സയിദ് ഷുജയുടെ വെളിപ്പെടുത്തല്.
2014ലെ ലോക്സഭ തെരഞ്ഞെടുപ്പില് വോട്ടിംഗ് മെഷിന് തിരിമറി ചെയ്തു. ഇക്കാര്യം ബിജെപി നേതാവ് ഗോപിനാഥ് മുണ്ടെക്കും, അന്നത്തെ മുഖ്യതെരഞ്ഞെടുപ്പ് കമ്മീഷ്ണര് ആയിരുന്ന വിഎസ് സമ്പത്തിനും അറിയാമായയിരുന്നെന്നും ഹാക്കര് വെളിപ്പെടുത്തി. ഗോപിനാഥ് മുണ്ടെ ഇക്കാര്യം വെളിപ്പെടുത്താന് ഇരുന്ന സാഹചര്യത്തിലാണ് കൊല്ലപ്പെട്ടതെന്നും ഹാക്കര് ആരോപിച്ചു.
ഇതോടെ ഗോപിനാഥ് മുണ്ടെയുടെ അപകടമരണം അടക്കമുള്ള കാര്യങ്ങളാണ് വീണ്ടും സജീവ ചര്ച്ചയാകുന്നത്. ഉത്തര്പ്രദേശ്, ഗുജറാത്ത്, മഹാരാഷ്ട്ര എന്നീ സംസ്ഥാനങ്ങളിലെ നിയമസഭാ തെരഞ്ഞെടുപ്പുകളിലും വോട്ടിംഗ് മെഷീനില് തിരുമറി നടത്തിയാണ് ബിജെപി അധികാരത്തിലെത്തിയതെന്നും, തിരിമറി നടത്താന് കഴിയാഞ്ഞതിനാലാണ് ദില്ലിയില് ബിജെപിക്ക് അധികാരത്തിലെത്താന് കഴിയാതിരുന്നതെന്നും സയിദ് സുജ വ്യക്തമാക്കി.
അതേസമയം ഹാക്കര്ക്കെതിരെ നിയമനടപടിക്ക് ഒരുങ്ങുകയാണ് തെരഞ്ഞെടുപ്പ് കമ്മീഷന്. വോട്ടിംഗ് മെഷീന് ഹാക്ക് ചെയ്യാന് സാധിക്കില്ലെന്ന് ചൂണ്ടിക്കാട്ടിയ തെരഞ്ഞെടുപ്പ് കമ്മീഷന്. വോട്ടിംഗ് മെഷീന് ഉയര്ന്ന സുരക്ഷാ മാനദണ്ഡങ്ങള് പാലിച്ചാണ് സൂക്ഷിക്കുന്നതെന്നും കൂട്ടിച്ചേര്ത്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here