“അന്ന് ഉണ്ടായിരുന്നത് ഒരു ജോഡി ഡ്രസ് ആണ്, അതു കഴുകിയിട്ടാണ് ഉപയോഗിച്ചിരുന്നത് ഇതു മനസിലാക്കിയ ബിജു മേനോന്‍ ഡ്രസ് എടുക്കുമ്പോള്‍ എനിക്കും ഒരു ജോഡി എടുക്കുമായിരുന്നു” ; ജോജു പറയുന്നു

ഇന്ന് സിനിമയില്‍ തിളങ്ങി നില്‍ക്കുന്ന പലര്‍ക്കും അവിടെ എത്താന്‍ ഒരുപാട് കടമ്പകള്‍ കടക്കേണ്ടി വന്നിട്ടുണ്ട്. ഇവര്‍ക്കെല്ലാം കഷ്ടപ്പാടിന്റെയും ദുരിതത്തിന്റെയും ഒരുപാട് കഥകള്‍ പറയാന്‍ ഉണ്ടാകും.

അങ്ങനെ ജൂനിയര്‍ ആര്‍ടിസ്റ്റില്‍ തുടങ്ങി ഇന്ന് മലയാളത്തലെ ഒഴിവാക്കാന്‍ കഴിയാത്ത ഒരു മുഖമായി മാറിയ ആളാണ് ജോജു ജോര്‍ജ്. അപവസാനം ഇപ്പോള്‍ നായകനായി സംസ്ഥാന സര്‍ക്കാരിന്റെ അവാര്‍ഡ് വരെ നേടി നില്‍ക്കുകയാണ് അദ്ദേഹം.

സിനിമയില്‍ പാവങ്ങളുടെ ബിജു മേനോന്‍ എന്നായിരുന്നു അദ്ദേഹം അറിയപ്പെട്ടിരുന്നത്. അതു പറയുമ്പോള്‍ ജോജുവിന് സന്തോഷം ആണ്. കാരണം അദ്ദേഹത്തിന് ബിജു മേനോന്‍ നല്‍കിയ സഹായങ്ങള്‍ അത്രയും വലുതാണ്.

സുഹൃത്ത് വഴിയാണ് ബിജുവിനെ പരിചയപ്പെടുന്നത്. അതു ദൈവത്തിന്റെ അനുഗ്രഹം ആയി കരുതുന്നു. ആദ്യ കാഴ്ചയില്‍ തന്നെ അടുത്ത സുഹൃത്തുക്കളായി.നാട്ടില്‍ പോലും ബിജു മേനോന്റെ സുഹൃത്തായി ആണ് അറിയപ്പെട്ടത്.

അന്ന് ആകെ ഉണ്ടായിരുന്നത് ഒരു ജോഡി നല്ല വസ്ത്രമാണ്. രാത്രി വന്ന് അതു കഴുകിയിട്ട് ആണ് പിറ്റേന്ന് ഇട്ടുകൊണ്ട് പോയിരുന്നത്. ഇതു മനസിലാക്കിയിട്ടാവണം ബിജു ഡ്രസ് എടുക്കുമ്പോള്‍ ഒരെണ്ണം തനിക്കും എടുക്കുമായിരുന്നു. എത്രയോ തവണ എനിക്ക് ഭക്ഷണവും വസ്ത്രങ്ഹളും അദദേഹം വാങ്ങി തന്നിട്ടുണ്ട്.

അന്നൊക്കെ ആരും കാണാതെ കണ്ണ് നിറഞ്ഞിട്ടുണ്ടെന്നും ഒരിക്കലും തീരാത്ത കടപ്പാടാണ് ബിജു മേനോനടുള്ളതെന്നും അദ്ദേഹം പറയുന്നു. തനിക്ക് നടന്‍ എന്നൊരു മേല്‍വിലാസം ഉണ്ടെങ്കില്‍ അതിന് കാരണം ബിജു മേനോന്‍ ആണെന്നാണ് അദ്ദേഹം പറയുന്നത്.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here