കഞ്ചാവുമായി മൂന്ന് യുവാക്കള്‍ മറയൂരില്‍ പിടിയില്‍

പൊലീസ് നടത്തിയ പരിശോധനയിലാണ് കഞ്ചാവ് പൊതികളുമായി യുവാക്കള്‍ പിടിയിലായത്. വിഘ്‌നേശ്, ജയകുമാര്‍, മാഹാരാജന്‍ എന്നിവരാണ് അറസ്റ്റിലായത്.

തമിഴ്‌നാട്ടില്‍ നിന്നെത്തിച്ചാണ് പ്രതികള്‍ കഞ്ചാവ് വില്‍പന നടത്തിയിരുന്നതെന്ന് പൊലീസ് പറഞ്ഞു. വിദ്യാര്‍ത്ഥികളെ കേന്ദ്രീകരിച്ചാണ് ഇവര്‍ കഞ്ചാവ് വില്‍പന നടത്തിയിരുന്നതെന്നും പൊലീസ് വ്യക്തമാക്കി.

മറയൂര്‍ സി ഐ ജഗദീഷിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.