ക്യാമ്പസുകളിൽ തെരഞ്ഞെടുപ്പിന്‍റെ ആവേശം പകർന്ന് സി ദിവാകരൻ

ക്യാമ്പസുകളിൽ തെരഞ്ഞെടുപ്പിന്‍റെ ആവേശം പകർന്ന് തിരുവനന്തപുരത്തെ എൽഡിഎഫ് സ്ഥാനാർത്ഥി സി ദിവാകരൻ.

സ്വന്തം കലാലയമായ യൂണിവേ‍ഴ്സ്റ്റി കോളേജിൽ നിന്നായിരുന്നു പ്രചരണത്തിന് തുടക്കം. മികച്ച സ്വീകരണമാണ് ദിവാകരന് ക്യാമ്പസുകളിൽ ലഭിച്ചത്.

ഇത്തവണ യുവ വോട്ടർമാർ തെരഞ്ഞെടുപ്പിൽ നിർണായക ശക്തിയാണ്. ആ ആവേശം ക്യാമ്പസുകളിൽ പകർന്നാണ് തിരുവനന്തപുരം മണ്ഡലത്തിലെ എൽഡിഎഫ് സ്ഥാനാർത്ഥി സി.ദിവാകരൻ എത്തിയത്.

സ്വന്തം കലാലയമായ യൂണിവേ‍ഴ്സിറ്റി കോളേജിൽ നിന്നും തുടക്കം. വർഗീയതയ്ക്കെതെിരെ ജ്വലിക്കുകയാണ് ക്യാമ്പസുകളെന്ന് ദിവാകരൻ പറഞ്ഞു

1962-65 കാലഘട്ടത്തിൽ യൂണിവേ‍ഴ്സ്റ്റി കോളേജിലെ എസ്.എഫ് ഐ പ്രവർത്തകനായ ദിവാകരൻ മാഗസിൻ എഡിറ്ററുമായിരുന്നു. ആ ഓർമ്മകളും അദ്ദേഹം പങ്കുവച്ചു.

തിരുവനന്തപുരം നഗരത്തിലെ എല്ലാ കോളേജിലുമെത്തി അദ്ദേഹം സൗഹൃദം പങ്കുവയ്ക്കുകയും കന്നിവോട്ടർമാരോടടക്കം പിന്തുണ തേടുകയും ചെയ്തു. വിദ്യാർത്ഥികളും വലിയ ആവേശത്തിലാണ്.

ഈ തെരഞ്ഞെടുപ്പിൽ തങ്ങളുടെ ക്യാമ്പസിൽ ആദ്യമായെത്തിയ സ്ഥാനാർത്ഥിയെ വലിയ ആവേശത്തോടെയാണ് വരവേറ്റത്.