തിരുവനന്തപുരം: 15 ദിവസം മാത്രം പ്രായമുള്ള കുഞ്ഞിനെ രക്ഷിക്കാന് മംഗലാപുരത്ത് നിന്ന് തിരുവനന്തപുരത്തേക്ക് ആംബുലന്സ് യാത്ര നടത്തുന്നു.
കാസര്ഗോഡ് സ്വദേശികളായ സാനിയ മിത്താഹ് ദമ്പതികളുടെ കുഞ്ഞിനെയാണ് ഹൃദയ ശസ്ത്രക്രിയക്കായി തിരുവനന്തപുരം ശ്രീചിത്രയിലേക്ക് കൊണ്ടുപോകുന്നത്.
ഇന്ന് രാവിലെ 10.30ന് മംഗലാപുരത്ത് നിന്ന് ആംബുലന്സ് പുറപ്പെട്ടു.
മംഗലാപുരം തിരുവനന്തപുരം റൂട്ടില് KL-60 – J 7739 നമ്പര് ആംബുലന്സിലാണ് കുട്ടിയെ കൊണ്ടുപോകുന്നത്.
ആംബുലന്സ് കണ്ടാല് വഴി ഒതുങ്ങി സഹകരിക്കണമെന്ന് ചൈല്ഡ് പ്രോട്ടക്റ്റ് ടീം അഭ്യര്ത്ഥിച്ചിട്ടുണ്ട്. പത്ത് മുതല് പന്ത്രണ്ട് വരെ മണിക്കൂര് കൊണ്ട് കുഞ്ഞിനെ തിരുവനന്തപുരത്തെത്തിക്കാമെന്ന് കരുതുന്നു.
സംഘത്തിന് ആവശ്യമായ സഹായങ്ങള് ചെയ്ത് കൊടുക്കാന് പൊതുജനങ്ങള് തയ്യാറാകണമെന്നും ചൈല്ഡ് പ്രോട്ടക്റ്റ് ടീം അംഗങ്ങള് അഭ്യര്ത്ഥിച്ചിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here