ഇരവികുളം ദേശീയോദ്യാനത്തില്‍ വരയാടുകളുടെ കണക്കെടുപ്പിന് തുടക്കമായി. മൂന്നാര്‍ വൈല്‍ഡ് ലൈഫ് വാര്‍ഡന്റെ നേതൃത്വത്തിലാണ് 16 വരെ നീളുന്ന കണക്കെടുപ്പ് നടക്കുന്നത്.
വരയാടുകളുടെ ആവാസ മേഖലയായ ഇരവികുളം ദേശീയോദ്യാനത്തിലും വരയാടുകളുടെ സാന്നിധ്യം കണ്ടെത്തിയിട്ടുള്ള മറയൂര്‍, മാങ്കുളം, മീശപ്പുലിമല എന്നിവിടങ്ങളിലുമാണ് കണക്കെടുപ്പ് നടത്തുക. ഈ മേഖലകളെ 31 ബ്ലോക്കുകളായി തിരിച്ചാണ് കണക്കെടുപ്പ്.
തൃശൂര്‍ ഫോറസ്റ്റ് ആന്‍ഡ് വെറ്ററിനറി കോളേജിന്റെയും വിവിധ എന്‍ജിഒകളുടെയും സഹകരണത്തോടെയാണ് വനം വന്യജീവി വകുപ്പ് കണക്കെടുപ്പ് നടത്തുന്നത്. ജിപിആര്‍എസ് സംവിധാനവും കണക്കെടുപ്പിനായി ഉപയോഗിക്കുന്നുണ്ട്. സര്‍വേയില്‍ പങ്കെടുക്കുന്നവര്‍ക്ക് പ്രത്യേക പരിശീലനം നല്‍കിയിട്ടുണ്ട്.
മൂന്നാര്‍ വൈല്‍ഡ് ലൈഫ് വാര്‍ഡന്‍ ആര്‍ ലക്ഷ്മിയുടെ നേതൃത്വത്തിലാണ് സര്‍വേ നടത്തുന്നത്. ഈ മാസം 16 വരെയാണ് കണക്കെടുപ്പ്. സര്‍വെ പൂര്‍ത്തിയാക്കി മൂന്നാറില്‍ അവലോകന യോഗം ചേരും. വംശനാശ ഭീഷണി നേരിടുന്ന വരയാടുകളുടെ ഈ സീസണിലെ പ്രജനനകാല ശേഷമുള്ള ആദ്യ സെന്‍സസാണിത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
