താനും റോഷനും തമ്മില് പ്രണയത്തിലാണെന്ന് പ്രചരിപ്പിക്കുന്നവര്ക്ക് മറുപടിയുമായി നടി പ്രിയ വാര്യര്. സൂം ടിവിക്ക് നല്കിയ അഭിമുഖത്തിലാണ് പ്രിയയുടെ മറുപടി.
അതിങ്ങനെ: ആദ്യമായി ഒരു സിനിമയില് അഭിനയിക്കുമ്പോള്, അതും സമപ്രായക്കാര്ക്കൊപ്പം സൗഹൃദം പങ്കിടുമ്പോള് ഇത്തരത്തിലുള്ള പ്രചരണങ്ങള് ഉണ്ടായിരിക്കും. അത് തികച്ചും സ്വാഭാവികമാണ്. ഗോസിപ്പുകള് സിനിമയുടെ ഭാഗമാണ്.
അതിന് കുറച്ച് കാലം മാത്രമേ ആയുസ്സുള്ളൂ. ഞാന് എന്റെ ജോലി പൂര്ണ സംതൃപ്തിയോടും ആത്മാര്ഥതയോടും ചെയ്യാന് ആഗ്രഹിക്കുന്നു. ബാക്കിയെല്ലാം പ്രേക്ഷകരുടെ കയ്യിലാണ്.
ഏപ്രിലില് റോഷന് പിറന്നാള് ആശംസിച്ച പ്രിയ ഒരു കുറിപ്പും ഇന്സ്റ്റഗ്രാമില് പോസ്റ്റ് ചെയ്തിരുന്നു. ഇതിന് പിന്നാലെയാണ് ഇരുവരും പ്രണയത്തിലാണെന്ന വാര്ത്തകള് പ്രചരിച്ചത്.
കുറിപ്പ് ഇങ്ങനെയായിരുന്നു: ”വാക്കുകള് കൊണ്ട് പറഞ്ഞറിയിക്കുന്ന കാര്യത്തില് ഞാന് പിന്നിലാണ്. പക്ഷേ നീ എനിക്ക് ചെയ്തു തന്ന എല്ലാത്തിനും ഇന്ന് ഞാന് നന്ദി പറയാന് ആഗ്രഹിക്കുന്നു. കാര്യം എന്തു തന്നെയായാലും പ്രതിസന്ധിഘട്ടങ്ങളില് നീ മാത്രമാണ് എനിക്കൊപ്പം ഉണ്ടായിരുന്നത്.
അത് ഒരോ അവസരത്തിലും നിന്നെ അപകടത്തിലാക്കിയിട്ടു പോലും. എനിക്ക് നിന്നെപ്പോലെയാകാന് കഴിയുമോ എന്നറിയില്ല.
എനിക്ക് നീ എത്രത്തോളം പ്രിയപ്പെട്ടവനാണെന്ന് നീ അറിയണം എന്നാഗ്രഹിക്കുകയാണ്. അത് വാക്കുകള്ക്ക് അതീതമാണെന്ന് നിനക്ക് തന്നെ അറിയാം. ജീവിതത്തില് എല്ലാ സൗഭാഗ്യങ്ങളും നിന്നെ തേടിയെത്തട്ടെ എന്ന് ഞാന് ആശംസിക്കുന്നു”.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here