റീ പോളിംഗില്‍ മുഖം മറച്ചുവരുന്നവരെ പരിശോധിക്കുമെന്ന വരണാധികാരിയുടെ തീരുമാനം സ്വാഗതം ചെയ്യുന്നുവെന്ന് സിപിഐഎം കണ്ണൂര്‍ ജില്ലാ സെക്രട്ടറി എം വി ജയരാജന്‍.

വോട്ടര്‍മാരുടെ മുഖം ബൂത്ത് ഏജന്‍റുമാര്‍ക്ക് കൂടി കാണാന്‍ ക‍ഴിയുന്ന വിധത്തിലായിരിക്കണം സംവിധാനങ്ങള്‍. അല്ലാത്തപക്ഷം ആ വോട്ട് ചലഞ്ച് ചെയ്യുമെന്നും എം വി ജയരാജന്‍ പറഞ്ഞു.

മുഖാവരണം മാറ്റില്ലെന്ന് ശാഠ്യം പിടിക്കുന്നവര്‍ കളളവോട്ട് ചെയ്യാനെത്തുന്നവരാണെന്നും അദ്ദേഹം കൊച്ചിയില്‍ പറഞ്ഞു.