കൊച്ചി: മോഡി ഭരണത്തിലുള്ള ജനങ്ങളുടെ ഭീതി കേരളത്തില്‍ വലിയ തോതില്‍ കോണ്‍ഗ്രസിലേക്ക് കേന്ദ്രീകരിച്ചു.
തോല്‍വിക്ക് ഇതല്ലാതെയും കാരണങ്ങളുണ്ടെങ്കില്‍ പഠിക്കാനും തിരുത്താനും ഇടതുപക്ഷം തയ്യാറാവും. എറണാകുളം മണ്ഡലത്തില്‍ ഇടതുപക്ഷത്തിന് മുന്നോട്ട് പോവാന്‍ ക‍ഴിഞ്ഞിട്ടുണ്ട്.
കഴിഞ്ഞ തവണത്തെക്കാള്‍ 55000 വോട്ടുകള്‍ അധികം നേടാന്‍ ക‍ഴിഞ്ഞിട്ടുണ്ട് എന്നാല്‍ ഇതിനെയെല്ലാം അപ്രസക്തമാക്കുന്ന ദ്രുവീകരണമാണ് സംസ്ഥാനത്ത് ഉണ്ടായത്.
വീ‍ഴ്ചകളില്‍ നിന്ന് പാഠമുള്‍ക്കൊണ്ടും പഠിച്ചും തിരുത്തിയും ഇടതുപക്ഷം കൂടുതല്‍ കരുത്തോടെ മുന്നോട്ട് വരും പി രാജീവ് ഫെയ്സ്ബുക്കില്‍ കുറിച്ചു.
ഫേസ്‌ബുക്ക് പോസ്റ്റിന്റെ പൂര്‍ണരൂപം
പൊതുപ്രവര്‍ത്തനത്തിന്റെ ഒരു ഭാഗം മാത്രമാണ് പാര്‍ലമെന്ററി രംഗം. വിജയിക്കാനായില്ലെങ്കിലും ഇതും ഒരു അനുഭവമാണ്.
ഓരോ അനുഭവവും ഓരോ പാoമാണ്. കേരളത്തിലാകെ പ്രകടമായ പ്രവണതകള്‍ ഏറ്റവും ശക്തമായി പ്രതിഫലിക്കാവുന്ന സാമൂഹ്യഘടനയുള്ള മണ്ഡലമാണ് എറണാകുളം.
കഴിഞ്ഞ ലോകസഭാ തെരഞ്ഞെടുപ്പിനേക്കാളും 55000ത്തിലധികം വോട്ടുകള്‍ ലഭിച്ചെങ്കിലും അതിനെയെല്ലാം തീര്‍ത്തും അപ്രസക്തമാക്കിയ ധ്രുവീകരണമാണ് ഉണ്ടായത്. മോദി ഭീതി യുഡിഎഫിലേക്ക് കേന്ദ്രീകരിച്ചു. ചരിത്ര അനുഭവങ്ങള്‍ ഭീതിയുടെ ഇരുട്ടില്‍ മറന്നതായി നടിച്ചു.
ഇതല്ലാതെയും എന്തെങ്കിലും പാളിച്ചകള്‍ ഉണ്ടായിട്ടുണ്ടെങ്കില്‍ അതും പരിശോധിച്ച് തിരുത്തും. വോട്ടു ചെയ്ത 322110 പേര്‍ക്ക് നന്ദി. വോട്ടു ചെയ്യാത്തവരോടും സ്‌നേഹം. വിജയിക്ക് അഭിനന്ദനങ്ങള്‍.
ഇനിയും ഇന്നലെകളിലേതുപോലെ തന്നെ ജനങ്ങള്‍ക്കൊപ്പം എല്ലാ നല്ല കാര്യങ്ങള്‍ക്കും.. ജനാധിപത്യവും മതനിരപേക്ഷതയും നിലനില്‍ക്കണമെങ്കില്‍പ്പോലും നിരന്തരമായ പോരാട്ടം അനിവാര്യമാകുന്ന കാലത്ത് പാര്‍ലമെണ്ടിന് പുറത്തുള്ള ജനകീയ പോരാട്ടങ്ങളില്‍ അടിയുറച്ചു നില്‍ക്കാം.
ഇടതുപക്ഷം അപ്രസക്തമാകില്ല. സൂര്യന്‍ അസ്തമിക്കുന്നില്ല, കാര്‍ മേഘങ്ങള്‍ക്ക് ക്ഷണിക നേരത്തേക്ക് മറച്ചു വെയ്ക്കാമെന്നു മാത്രം. കൂടുതല്‍ പ്രകാശത്തോടെ ഇടതുപക്ഷ രാഷ്ട്രീയം ശക്തിപ്പെടുക തന്നെ ചെയ്യും.
വിശ്രമരഹിതമായി പ്രവര്‍ത്തിച്ച പ്രിയപ്പെട്ടവരെ, നിരാശപ്പെടേണ്ടതില്ല. ചരിത്രത്തിന്റെ പ്രയാണം പിരിയന്‍ ഗോവണി പോലെയാണ്.
കയറ്റിറക്കങ്ങള്‍, വളവു തിരിവുകള്‍…. തിരിച്ചിറങ്ങുകയണോയെന്ന് തോന്നിയെന്നു വരാം, എന്നാല്‍ ചരിത്രത്തിന്റെ പ്രയാണം മുന്നോട്ട് തന്നെ. എല്ലാ തിരിച്ചടികളില്‍ നിന്നും പാഠം ഉള്‍കൊണ്ട്, തിരുത്തി, കൂടുതല്‍ കരുത്തോടെ..
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
