നിരൂപക പ്രേക്ഷക പ്രശംസ നേടി തിയേറ്ററില്‍ വിജയകരമായി പ്രദര്‍ശനം തുടരുന്ന “ഇഷ്ക്” എന്ന സിനിമയെ അഭിനന്ദിച്ച് നിയമസഭാംഗങ്ങള്‍ രംഗത്ത്.
നിയമസഭയിലെ അംഗങ്ങള്‍ക്കായി തിരുവനന്തപുരം അജന്ത തിയേറ്ററില്‍ ഒരുക്കിയ പ്രത്യേക പ്രദര്‍ശനത്തില്‍ മന്ത്രിമാരും എംഎല്‍എമാരും പങ്കെടുത്തു.
നല്ല രീതിയില്‍ ചിത്രീകരിച്ചിരിക്കുന്ന ചിത്രം തന്നെ ആകര്‍ഷിച്ചെന്ന് മന്ത്രി എംഎം മണി പറഞ്ഞു. ആണത്തമെന്ന പരികല്‍പ്പനയെ തള്ളുന്ന ക്ലൈമാക്സ് ശ്രദ്ധേയമാണെന്ന് വിടി ബല്‍റാം എംഎല്‍എ നിരീക്ഷിച്ചു.
കേരളീയ സമൂഹം അടിയന്തരമായി അഭിമുഖീകരിക്കുന്ന സാമൂഹ്യ പ്രശ്നത്തെ തീക്ഷ്ണമായി ആവിഷ്കരിച്ചിരിക്കുന്ന സിനിമയാണ് ഇഷ്ക് എന്ന് സ്പീക്കര്‍ ശ്രീരാമക്യഷ്ണന്‍ അഭിപ്രായപ്പെട്ടു.
എംഎല്‍എമാരായ പി ജെ ജോസഫ്, കെ വി അബ്ദുള്‍ ഖാദര്‍, വി ടി ബല്‍റാം . റോജി എം ജോണ്‍, ഗീതാ ഗോപി, സി കെ ശശീന്ദ്രന്‍ ,സി കൃഷ്ണന്‍, എം രാജഗോപാല്‍, കെ ബാബു മന്ത്രിമാരായ എം.എം. മണി എ.കെ. ശശീന്ദ്രന്‍, കടന്നപ്പള്ളി രാമചന്ദ്രൻ എന്നിവരും ഇഷ്കിന്റെ പ്രത്യേക പ്രദര്‍ശനത്തിനെത്തി.
നിയമസഭാ അംഗങ്ങള്‍ക്കൊപ്പം ഇഷ്കിന്റെ അണിയറ പ്രവര്‍ത്തകരും അഭിനേതാക്കളും പ്രദര്‍ശനം കാണാനെത്തിയിരുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Click Here
