ആന്ധ്രാ മുഖ്യമന്ത്രിയായി ജഗന് മോഹന് റെഡി സത്യപ്രതിജ്ഞ ചെയ്തു. വിജയവാഡയിലെ ഇന്ദിരാഗാന്ധി മുനിസിപ്പല് സ്റ്റേഡിയത്തില് വെച്ചായിരുന്നു ചടങ്ങുകള് നടന്നത്. ജഗന് മോഹന് റെഡി മാത്രമാണ് ഇന്ന് സത്യപ്രതിജ്ഞ ചെയ്തത്. മറ്റ് മന്ത്രിമാര് ജൂണ് ഏഴിന് മാത്രമാകും സത്യപ്രതിജ്ഞ ചെയ്യുക.
തെലുങ്കാന മുഖ്യമന്ത്രി കെ ചന്ദ്രശേഖര റാവു, ഡിഎംകെ അധ്യക്ഷന് എം കെ സ്റ്റാലിന് തുടങ്ങിയവര് ചടങ്ങില് പങ്കെടുത്തു. അതേസമയം ആന്ധ്ര മുന് മുഖ്യമന്ത്രി ചന്ദ്രബാബു നായിഡു ക്ഷണം നിരസിച്ച് സത്യപ്രതിജ്ഞ ചടങ്ങില് നിന്ന് വിട്ടുനിന്നു.
175 അംഗ നിയമസഭയില് 151 സീറ്റ് നേടിയാണ് ജഗന് നേതൃത്വം നല്കുന്ന വൈഎസ്ആര് കോണ്ഗ്രസ് പാര്ട്ടി അധികാരം പിടിച്ചത്. ആന്ധ്രയും തെലങ്കാനയുമായി സംസ്ഥാനം വിഭജിക്കപ്പെട്ട ശേഷം ആന്ധ്രയുടെ മുഖ്യമന്ത്രിയാകുന്ന രണ്ടാമത്തെ വ്യക്തിയാണ് ജഗന്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here