പാക്കിസ്ഥാനെതിരായ ലോകകപ്പ് പോരാട്ടത്തില്‍ ഓസീസിന് തകര്‍പ്പന്‍ ജയം. 41 റണ്‍സിനാണ് ഓസീസ് ജയിച്ചത്. ടോസ് നേടി ബാറ്റിംഗ് തിരഞ്ഞെടുത്ത ഓസീസ് 49 ഓവറില്‍ 307 റണ്‍സ് നേടി. 308 റണ്‍സ് വിജയലക്ഷ്യം പിന്തുടര്‍ന്ന പാക്കിസ്ഥാന് 45.4 ഓവറില്‍ 266 റണ്‍സ് നേടാനെ ആയുള്ളു.
വെടിക്കെട്ട് ബാറ്റിങ് പ്രകടനവുമായി കളം നിറഞ്ഞ ഡേവിഡ് വാര്‍ണര്‍ ആരോണ്‍ ഫിഞ്ച് സഖ്യത്തിന്റെ മികവിലാണ് ഓസീസ് മികച്ച സകോര്‍ പടുത്തുയര്‍ത്തിയത്. വാര്‍ണര്‍ ഈ ലോകകപ്പില്‍ ആദ്യ സെഞ്ചുറി കുറിച്ചപ്പോള്‍ ക്യാപ്റ്റന്‍ ആരോണ്‍ ഫിഞ്ച് തകര്‍പ്പന്‍ അര്‍ധസെഞ്ചുറിയുമായി തുടക്കം ഗംഭീരമാക്കി.
വാര്‍ണര്‍ 111 പന്തില്‍ 11 ബൗണ്ടറിയും ഒരു സിക്‌സും സഹിതം 107 റണ്‍സെടുത്തു. ഫിഞ്ച് 84 പന്തില്‍ ആറു ബൗണ്ടറിയും നാലു സിക്‌സും സഹിതം 82 റണ്‍സും നേടി. ഓപ്പണിങ് വിക്കറ്റില്‍ ഫിഞ്ച് വാര്‍ണര്‍ സഖ്യം 146 റണ്‍സാണ് കൂട്ടിച്ചേര്‍ത്തത്.
മറുപടി ബാറ്റിംഗിനിറങ്ങിയ പാക്കിസ്ഥാന് 200 റണ്‍സിനിടെ ഏഴു വിക്കറ്റ് നഷ്ടമായി. പാക്കിസ്ഥാനായി ഓപ്പണര്‍ ഇമാം ഉള്‍ ഹഖ് അര്‍ധസെഞ്ചുറി നേടി. ഇമാം 75 പന്തില്‍ ഏഴു ബൗണ്ടറി സഹിതം 53 റണ്‍സെടുത്തു. ക്യാപ്റ്റന്‍ സര്‍ഫറാസ് അഹമ്മദ് (32), വഹാബ് റിയാസ് (19), ഫഖര്‍ സമാന്‍ (പൂജ്യം), ബാബര്‍ അസം (30), മുഹമ്മദ് ഹഫീസ് (46), ശുഐബ് മാലിക്ക് (പൂജ്യം), ആസിഫ് അലി (അഞ്ച്), ഹസന്‍ അലി (15 പന്തില്‍ 32) എന്നിങ്ങനെയാണ് പുറത്തായ താരങ്ങളുടെ പ്രകടനം.
ഓസീസിനായി പാറ്റ് കമ്മിന്‍സ് മൂന്നും കെയ്ന്‍ റിച്ചാര്‍ഡ്‌സന്‍ രണ്ടും നേഥന്‍ കൂള്‍ട്ടര്‍നൈല്‍, ആരോണ്‍ ഫിഞ്ച് എന്നിവര്‍ ഓരോ വിക്കറ്റും വീഴ്ത്തി.
Related Posts
Get real time update about this post categories directly on your device, subscribe now.
