ആവേശകരമായ ലോകകപ്പ് പേരാട്ടത്തില്‍ ജയിച്ചിട്ടും സെമി കാണാതെ പാകിസ്ഥാന് പുറത്ത്. പുറത്തായെങ്കിലും ബംഗ്ലാദേശിനെതിരെ പാക്കിസ്ഥാന് 94 റണ്‍സിന്റെ മികച്ച ജയമാണ്. പാക്കിസ്ഥാന് ഉയര്‍ത്തിയ 315 റണ്‍സ് പിന്തുടര്‍ന്ന ബംഗ്ലാദേശ് 44.1 ഓവറില്‍ 221ല്‍ പുറത്തായി. ഷാഹിന്‍ അഫ്രിദിയുടെ ആറ് വിക്കറ്റ് നേട്ടവും ഇമാം ഉള്‍ ഹഖിന്റെ സെഞ്ചുറിയുമാണ് പാക്കിസ്ഥാന് ജയം സമ്മാനിച്ചത്.
ടോസ് നേടി ബാറ്റ് ചെയ്ത പാക്കിസ്ഥാന് നിശ്ചിത ഓവറില്‍ ഒമ്പത് വിക്കറ്റ് നഷ്ടത്തില്‍ 315 റണ്‍സ് നേടി. സെമിയില്‍ പ്രവേശിക്കണമെങ്കില്‍ പാകിസ്ഥാന് കൂറ്റന്‍ സ്‌കോര്‍ പടുത്തുയര്‍ത്തണമായിരുന്നു. എന്നാല്‍ മുസ്താഫിസുറിന്റെ അഞ്ച് വിക്കറ്റ് പ്രകടനത്തില്‍ പാക് ഒതുങ്ങുകയായിരുന്നു. ഇമാം ഉള്‍ ഹഖ് സെഞ്ചുറിയും (100) ബാബര്‍ അസം(96) അര്‍ധ സെഞ്ചുറിയും നേടി. അവസാന ഓവറുകളില്‍ ഇമാദ് വസീമാണ്(26 പന്തില്‍ 43) പാക്കിസ്ഥാനെ 300 കടത്തിയത്. ബംഗ്ലാദേശിനായി മുസ്താഫിസുര്‍ അഞ്ചും സൈഫുദീന്‍ മൂന്ന് വിക്കറ്റും വീഴ്ത്തി.
ബംഗ്ലാദേശ് ഏഴ് റണ്‍സ് പിന്നിട്ടതോടെ പാക്കിസ്ഥാന് സെമി കാണാതെ പുറത്താവുകയായിരുന്നു. മികച്ച ഫോമിലുള്ള ഷാക്കിബ് അല്‍ ഹസന്‍ അര്‍ധ സെഞ്ചുറി(77 പന്തില്‍ 64) നേടി. ലിറ്റന്‍ ദാസ്(32), മഹമ്മദുള്ള(29), സൗമ്യ(22) എന്നിങ്ങനെയാണ് മറ്റുതാരങ്ങളുടെ സ്‌കോറുകള്‍. ഷഹീന്‍ അഫ്രിദി ആറും ഷദാബ് രണ്ടും ആമിറും വഹാബും ഓരോ വിക്കറ്റും നേടി.
Get real time update about this post categories directly on your device, subscribe now.
