തിരുവനന്തപുരം: രമ്യാ ഹരിദാസിന് കാറു വാങ്ങാന് യൂത്ത് കോണ്ഗ്രസ് പണപ്പിരിവ് നടത്തിയ സംഭവത്തില് ഇഎംഎസിനേയും മകള് മാലതിയുടേയും പേര് ചേര്ത്ത് ആരോപണമുന്നയിച്ച വി.ടി ബല്റാമിന് മറുപടിയുമായി വനിതാ കമ്മിഷന് അംഗം ഷാഹിദാ കമാല് രംഗത്ത്.
ഷാഹിദാ കമാല് പറയുന്നു:
എന്തേ ഷാഹീ ഈ കോണ്ഗ്രസ്സുകാര് ഇങ്ങനെ ?…….. മകള് എന്ന നിലയില് വല്ലാത്ത വിഷമം
ഇത് സഖാവ് EMS ന്റെ മകള് ശീമതി. EM രാധ. എന്റെ അടുത്ത സുഹൃത്ത്, സഹപ്രവര്ത്തക.
ഇപ്പോള് ഈ ഫോട്ടോ ഇവിടെ വേണമെന്ന് എനിക്ക് തോന്നി. പിതാവായ EMS ഒന്നും കാണാന് ഈ ലോകത്ത് ഇല്ലായെന്നറിഞ്ഞിട്ടും, പിതാവ് കാട്ടികൊടുത്ത വഴികളിലൂടെ ഇന്നും ലളിതവും സൗമ്യവുമായ ജീവിതം നയിക്കുന്ന വൃക്തിയാണ് ഞാനറിയുന്ന രാധേച്ചി.
മിക്കവാറും ഒരുമിച്ചാണ് ഞങ്ങള് യാത്ര. യാത്രയിലെല്ലാം പിതാവിനെ കുറിച്ച് പറയാറുണ്ട്. പിതാവിന്റെ പേരോ പദവിയോ ഒരിക്കല് പോലും ഉപയോഗിക്കാന് പാടില്ലായെന്ന കര്ശന നിര്ദ്ദേശത്തില് വളര്ത്തിയ അമ്മ. എന്താവശ്യവും അമ്മയോടാണ് പറഞ്ഞി രുന്നത്.
അമ്മയാണ് ഞങ്ങളുടെ ആവശ്യങ്ങള് നടത്തി തന്നിരുന്നത്. മക്കളായ ഞങ്ങള്ക്ക് സാരി വാങ്ങാന് കത്തെഴുതിയത് ഞങ്ങള് അറിഞ്ഞിട്ടില്ല. ഞങ്ങളാരും സാരി വാങ്ങാന് പോയിട്ടുമില്ല. എന്തേ ഷാഹീ ഈ കോണ്ഗ്രസ്സുകാര് ഇങ്ങനെ ….
വില കുറഞ്ഞ പ്രശസ്തിക്കു വേണ്ടി തന്റെ പിതാവിനെ അനാവശ്യമായി വലിച്ചിഴക്കുന്നത് ഒരു മകള് എന്ന നിലയില് തന്നെ വല്ലാതെ വേദനിപ്പിക്കുന്നുവെന്ന് വളരെ വിഷമത്തോടെ ഇന്ന് അവര് എന്നോട് പറഞ്ഞപ്പോള് ഞാന് അവരെ ആശ്വസിപ്പിച്ചു. രാധേച്ചി അതൊന്നും കാര്യമാക്കണ്ട.
ചില അല്പന്മാര് അങ്ങനയാണ്. സ്വന്തമായി അഡ്രസ്സില്ലാത്തവര് അഡ്രസ്സുള്ളവരുടെ പേരുപയോഗിച്ച് ചീപ് പബ്ലിസിറ്റിക്ക് ശ്രമിക്കും. അത് അവരുടെ കുറ്റമല്ല. മതിയായ ചികിത്സ നല്കിയാല് മതി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here