സംസ്ഥാനം രൂക്ഷമായ മഴക്കെടുതിയെ അഭിമുഖീകരിച്ചുകൊണ്ടിരിക്കുകയാണ്. മൂന്ന് ദിവസമായി തുടരുന്ന കനത്ത മഴയില് വെള്ളപ്പൊക്കവും മണ്ണിടിച്ചിലും രൂക്ഷമാവുന്നു.
പലയിടങ്ങളിലും കഴിഞ്ഞ പ്രളയ കാലത്തേക്കാള് കൂടുതല് വെള്ളം പൊങ്ങുന്ന നിലയാണുള്ളത്. രക്ഷാപ്രവര്ത്തകരുടെ നിര്ദേശങ്ങള് ജനങ്ങള് കര്ശനമായി പാലിക്കണമെന്ന് മുഖ്യമന്ത്രി ജനങ്ങളോട് അഭ്യര്ഥിച്ചു.
മഴക്കെടുതിയില് സംസ്ഥാനത്താകെ ഇന്ന് രാത്രി ഒമ്പതുമണിവരെയുള്ള കണക്കുകള് പ്രകാരം 929 ക്യമ്പുകളിലായി 23891 കുടുംബങ്ങളിലെ 93088 അംഗങ്ങള് ക്യാമ്പുകളില് തുടരുകയാണ്.
നാളെയും സംസ്ഥാനത്ത് വിവിധയിടങ്ങളില് ശക്തമായ മഴ തുടരുമെന്ന അറിയിപ്പിന്റെ അടിസ്ഥാനത്തില് ഏഴു ജില്ലകളില് റെഡ് അലര്ട്ട് പ്രഖ്യാപിച്ചിട്ടുണ്ട്.
കാസര്കോട് കണ്ണൂര് ജില്ലകളിലെ വൈദ്യുതി വിതരണം പൂര്ണമായി നിര്ത്തിവച്ചിരിക്കുന്നു. കോഴിക്കോട് മടവൂരില് രക്ഷാപ്രവര്ത്തനത്തിനിടെ കാണാതായ പടനിലം സ്വദേശി പുഷ്പരാജന്റെ മൃതദേഹം കണ്ടെടുത്തതോടെ സംസ്ഥാനത്ത് മഴക്കെടുതിയില് മരണപ്പെട്ടവരുടെ എണ്ണം 43 ആയി.
വിവിധ ജില്ലകളിലെ ക്യാമ്പുകളുടെ വിശദാംശങ്ങള്
തിരുവനന്തപുരം 008 0163 00675 00
കൊല്ലം 000 0000 00000 03
പത്തനംതിട്ട 011 0051 00202 00
ആലപ്പുഴ 004 0042 00143 02
കോട്ടയം 031 0311 00945 00
ഇടുക്കി 021 0336 01014 04
എറണാകുളം 130 2804 15185 00
തൃശ്ശൂര് 118 3381 11807 02
പാലക്കാട് 046 0865 02779 00
മലപ്പുറം 108 1888 07911 10
കോഴിക്കോട് 191 6130 21371 10
വയനാട് 181 6198 23165 09
കണ്ണൂര് 078 1718 07873 02
കാസര്കോട് 002 0004 00018 00
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here