സംസ്ഥാനത്ത് മഴ കുറയുന്നു. ഇന്ന് കണ്ണൂര്, കാസര്കോട് ജില്ലകളില് മാത്രം ഓറഞ്ച് അലേര്ട്ട്. അടുത്ത 5 ദിവസങ്ങളില് മഴ താരതമ്യേന കുറവായിരിക്കുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇതെ തുടര്ന്ന് മത്സ്യത്തൊഴിലാളികള്ക്കുള്ള ജാഗ്രതാ നിര്ദ്ദേശം പിന്വലിച്ചു.
സംസ്ഥാനത്ത് കൊടിയ നാശം വിതച്ച കാലവര്ഷത്തിനാണ് ശമനമാകുന്നത്. നിലവില് ഒരു ജില്ലയിലും റെഡ് അലേര്ട്ടില്ല. ഇന്ന് കണ്ണൂര്, കാസര്ഗോഡ് ജില്ലകളില് മാത്രമാണ് ഓറഞ്ച് അലേര്ട്ട് നിലനില്ക്കുന്നത്. ഒറ്റപ്പെട്ടയിടങ്ങളില് ശക്തമായ മഴക്കുള്ള സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
കാറ്റിന്റെ വേഗതയും സംസ്ഥാനത്ത് കുറഞ്ഞു. ഇതെത്തുടര്ന്ന് മത്സ്യത്തൊഴിലാളികള്ക്ക് പ്രഖ്യാപിച്ച ജാഗ്രതാ നിര്ദ്ദേശം പിന്വലിച്ചു. ഇനിയൊരറിയിപ്പ് ഉണ്ടാകുന്നത് വരെ മത്സ്യത്തൊഴിലാളികള്ക്ക് കടലില് പോകാം.
നാളെ കണ്ണൂര്, കാസറഗോഡ്, ഇടുക്കി ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. ഈ സാഹചര്യത്തില് മുന്കരുതല് എന്ന നിലയില് ബന്ധപ്പെട്ട സര്ക്കാര് വകുപ്പുകളോടും ഉദ്യോഗസ്ഥരോടും ജാഗ്രത തുടരാനും താലൂക്ക് തലത്തില് കണ്ട്രോള് റൂമുകള് നിലനിര്ത്തനും സംസ്ഥാന ദുരന്ത നിവാരണ അതോറിറ്റി നിര്ദേശം നല്കിയിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here