ഇന്ത്യന് പൗരന്മാരുടെ സമൂഹമാധ്യമ പ്രൊഫൈലുകള് അവരുടെ ആധാര് നമ്പറുമായി ബന്ധിപ്പിക്കണമെന്ന ആവശ്യത്തില് ഫെയ്സ്ബുക്കിന്റെ വാദം കേള്ക്കാമെന്ന് സുപ്രീം കോടതി സമ്മതിച്ചു. ഈ ആവശ്യവുമായി ബന്ധിപ്പെട്ട് മദ്രാസ്, ബോംബെ, മധ്യപ്രദേശ് ഹൈ കോടിതികളില് നിലനില്ക്കുന്ന കേസുകള് സുപ്രീം കോടതിയിലേക്ക് മാറ്റണമെന്നാണ് ഫെയ്സ്ബുക് കോടതിയോട് അഭ്യര്ഥിച്ചത്. ഇതേക്കുറിച്ച് പ്രതികരിക്കാന് കേന്ദ്ര സര്ക്കാരിനോടും ഗൂഗിളിനോടും ട്വിറ്ററിനോടും യുട്യൂബിനോടും പരമോന്നത കോടതി ആവശ്യപ്പെടുകയും ചെയ്തിരിക്കുകയാണ്. ഹൈക്കോടതികളില് നടക്കുന്ന വാദം തുടരുന്നതില് പ്രശ്നമില്ലെന്നും കോടതി പറഞ്ഞു. എന്നാല്, വിധി പ്രസ്താവിക്കേണ്ടെന്നും കേസില് വാദം കേള്ക്കുന്ന ജസ്റ്റിസുമാരായ ദീപക് ഗുപ്തയുടെയും അനിരുദ്ധാ ബോസിന്റെയും ബഞ്ച് പറഞ്ഞു.
കഴിഞ്ഞ ദിവസമാണ് ഈ കേസ് സുപ്രീം കോടതിയ്ക്കു മുന്പാകെ എത്തിയത്. വ്യക്തികളുടെ ഫെയ്സ്ബുക്, ട്വിറ്റര്, ഇന്സ്റ്റഗ്രാം, യുട്യൂബ് തുടങ്ങിയവയിലുള്ള പ്രൊഫൈലുകള് ആധാര് നമ്പറുമായി ബന്ധിപ്പിക്കണമെന്നാണ് ആവശ്യം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here