അവസര സേവകര്‍ ഇനിയെത്രയുണ്ട് ?; മുല്ലപ്പള്ളിയോട് എഎ റഹീം

മോദി സ്തുതിയില്‍ വൈകിയെത്തിയ പ്രതികരണത്തില്‍ കെപിസിസി അധ്യക്ഷനെതിരെ ചോദ്യവുമായി ഡിവൈഎഫ്‌ഐ സംസ്ഥാന സെക്രട്ടറി എഎ റഹീം.

മോദി സ്തുതിയുമായെത്തിയ ശശി തരൂര്‍ ഉള്‍പ്പെടെയുള്ളവരെ കുറിച്ചുള്ള ചോദ്യങ്ങള്‍ക്ക് അത്തരക്കാര്‍ അവസര സേവകരാണ് എന്ന നിലയിലാണ് കെപിസിസി അധ്യക്ഷന്‍ പ്രതികരിച്ചത്.

ഇത്തരം അവസര സേവകര്‍ ഇനിയെത്രയുണ്ട് കോണ്‍ഗ്രസില്‍ എന്ന ചോദ്യത്തോടെയാണ് റഹീം ഫെയ്‌സ്ബുക്കില്‍ കുറിപ്പ് പങ്കുവച്ചിരിക്കുന്നത്.

ഫെയ്സ്ബുക്ക് കുറിപ്പ്

“അവസര സേവകർ” ഇനിയെത്രയുണ്ട്?

താങ്കളുടെ പാർട്ടിയിൽ ഇനിയും അവസര സേവകർ എത്രപേർ ബാക്കിയുണ്ട്?
ശ്രീ മുല്ലപ്പള്ളി വ്യക്തമാക്കണം.

മോദിസ്തുതി കാരണമാണ് അന്നൊരിക്കൽ അബ്ദുള്ളക്കുട്ടിയെ സിപിഐ(എം) ആട്ടിപ്പുറത്താക്കിയത്.
അടുത്ത നിമിഷം, താലവുമായി ചെന്ന് സ്വീകരിച്ചത് താങ്കളുൾപ്പെടെയുള്ള കോൺഗ്രസ്സ് നേതാക്കളാണ്.

ശ്രീ ശശിതരൂർ രാജ്യത്തെ, കോൺഗ്രസ്സിന്റെ തലമുതിർന്ന നേതാവാണ്. പ്രധാനമന്ത്രി മുതൽ എ ഐ സി സി അധ്യക്ഷ പദവിയ്ക്ക് വരെ അനുയോജ്യനാണ് തരൂർ എന്ന് അഭിപ്രായപ്പെട്ട കോൺഗ്രസ്സ് നേതാക്കൾ ഇന്നും ജീവിച്ചിരിപ്പുണ്ട്!!.

പാർലമെന്റിലും വിവിധ നിയമസഭകളിലും നോക്കൂ, പ്രദേശ് കോൺഗ്രസ്സ് അധ്യക്ഷരായിരുന്നവർ മുതൽ മുഖ്യമന്ത്രിയും ഗവര്ണരുമായിരുന്നവർ വരെ ഇന്ന് മോഡിയ്ക്ക് ജയ് വിളിച്ചു നിൽപ്പുണ്ട്.

വിലയ്ക്ക് വാങ്ങാൻ കഴിയുന്ന അവസര സേവകരാൽ നിറഞ്ഞിരിക്കുന്നു കോൺഗ്രസ്സ്.

ഭരണഘടന അപകടത്തിലാണ്.രാജ്യം അസാധാരണമായ സാമ്പത്തിക പ്രതിസന്ധിയിൽ, ഓരോ നിമിഷവും നഷ്ടപ്പെടുന്ന തൊഴിലിന്റെ കണക്കാണ് പുറത്തു വരുന്നത്.

ഇക്കഴിഞ്ഞ തിരഞ്ഞെടുപ്പിലും നിങ്ങളിൽ പ്രതീക്ഷ അർപ്പിച്ച് വോട്ട് ചെയ്ത ജനങ്ങളോട് ഇനിയെങ്കിലും കോൺഗ്രസ്സ് തുറന്നു പറയണം,
ഇനിയെത്ര “അവസര സേവകർ”
ക്യൂ വിലുണ്ടെന്ന്???

#വിലയ്ക്ക്_വാങ്ങാം_കോൺഗ്രസ്സിനെ
#CongRss

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here