ശാരദ ചിട്ടി തട്ടിപ്പ് കേസില്‍ മമത ബാനര്‍ജിയുടെ വിശ്വസ്തനായ രാജീവ് കുമാറിനെ സിബിഐ അറസ്റ്റ് ചെയ്‌തേക്കും. മുന്‍ കൊല്‍ക്കത്ത പൊലീസ് കമ്മീഷണറാണ് രാജീവ് കുമാര്‍. സിബിഐ ഉദ്യോഗസ്ഥര്‍ അറസ്റ്റിനായി രാജീവിന്റെ വീട്ടിലെത്തിയതായാണ് റിപ്പോര്‍ട്ട്.
അറസ്റ്റ് തടയണമെന്ന് ആവശ്യപ്പെട്ട് ശാരദ ചിട്ടി തട്ടിപ്പ്‌കേസില്‍ കൊല്‍ക്കത്ത മുന്‍ പൊലീസ് കമീഷണര്‍ രാജീവ് കുമാര്‍ നല്‍കിയ ഹര്‍ജി കൊല്‍ക്കത്ത ഹൈകോടതി തള്ളി.
കേസില്‍ രാജീവ് കുമാര്‍ തെളിവു നശിപ്പിച്ചെന്നാണ് സിബിഐ വാദം. സമൂഹത്തിലെ പ്രമുഖര്‍ ഉള്‍പ്പെട്ട 200 ഓളം കമ്പനികളുടെ കണ്‍സോഷ്യമായിരുന്നു ചിട്ടി കമ്പനിക്ക് പിന്നില്‍.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
