തിരുവനന്തപുരം : എംഎ നിഷാദ് സംവിധാനം ചെയ്ത സസ്പെന്സ് ത്രില്ലര് തെളിവ് ഒക്റ്റോബര് 18ന് തിയറ്ററുകളിലെത്തുന്നു. ചെറിയാന് കല്പ്പകവാടി തിരക്കഥയൊരുക്കിയ ചിത്രം ഒരു കുറ്റാന്വേഷണത്തിന്റെ ഉദ്വേഗജനകമായ വഴികളിലൂടെയാണ് കടന്നുപോകുന്നത്.
ഒറ്റയ്ക്ക് ജീവിക്കുന്ന ഒരു സ്ത്രീ സമൂഹത്തില് നേരിടുന്ന കഠിനമായ പരീക്ഷണങ്ങളും അതിജീവനത്തിനായി നടത്തേണ്ടിവരുന്ന പോരാട്ടങ്ങളും സിനിമയില് പ്രമേയമാകുന്നുണ്ട്.
ലാല്, ആശ ശരത്, രഞ്ജി പണിക്കര്, നെടുമുടി വേണു, സയിദ് മൊഹസിന് ഖാന്, മണിയന്പിള്ള രാജു, രാജേഷ് ശര്മ തുടങ്ങിയവര് അഭിനയിക്കുന്നു.
ഇഥിക പ്രൊഡക്ഷന്സിന്റെ ബാനറില് പ്രേംകുമാറാണ് തെളിവ് നിര്മിച്ചത്. എം. ജയച്ചന്ദ്രന് പശ്ചാത്തല സംഗീതവും കല്ലറ ഗോപന് സംഗീതസംവിധാനവും നിര്വഹിച്ചിരിക്കുന്നു.
കെ. ജയകുമാര്, പ്രഭാ വര്മ എന്നിവരാണ് തെളിവിലെ ഗാനങ്ങള് രചിച്ചത്. നിഖില് എസ്. പ്രവീണ് ഛായാഗ്രഹണവും ശ്രീകുമാര് നായര് എഡിറ്റിങ്ങും നിര്വഹിച്ചിരിക്കുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here