പ്രധാനമന്ത്രിക്ക് കത്തയച്ചതിന് അടൂര്‍ ഗോപാലകൃഷ്ണനുള്‍പ്പടെയുള്ളവര്‍ക്കെതിരെ കേസെടുത്തതില്‍ ഡി വൈ എഫ് ഐയുടെ പ്രതിഷേധം.
സംഭവത്തില്‍ പ്രധിഷേധിച്ച് ഡി വൈ എഫ് ഐ ഒരു ലക്ഷം കത്തുകള്‍ പ്രധാനമന്ത്രിക്ക് അയച്ചു.വട്ടിയൂര്‍ക്കാവ് പോസ്റ്റ് ഓഫീസിന് മുന്നില്‍ നടന്ന പരിപാടി അഖിലേന്ത്യാപ്രസിഡന്റ് മുഹമ്മദ് റിയാസ് ഉദ്ഘാടനം ചെയ്തു.
പ്രധാനമന്ത്രിക്ക് കത്തയക്കുന്നത് രാജ്യദ്രോഹമെങ്കില്‍ ഞങ്ങള്‍ ഒരുലക്ഷം കത്തയയ്ക്കുെമന്ന മുദ്രാവാക്യമുയര്‍ത്തിയാണ് ഡി വൈ എഫ് ഐ പരിപാടി സംഘടിപ്പിച്ചത്.
സംസ്ഥാനത്തൊട്ടാകെ നടത്തുന്ന ക്യാമ്പയിന്റെ ഉദ്ഘാടനം തിരുവനന്തപുരം വട്ടിയൂര്‍ക്കാവ് പോസ്റ്റ് ഓഫീസിന് മുന്നില്‍ ഡി വൈ എഫ് ഐ അഖിലേന്ത്യാ പ്രസിഡന്റ് മുഹമ്മദ് റിയാസ് നിര്‍വ്വഹിച്ചു.
കേസെടുക്കുമെങ്കില്‍ ങ്ങള്‍ക്കെതിരെയുമെടുക്കട്ടെയെന്നും ഈ പ്രതികാര നടപടിക്കെതിരെ ശക്തമായ പ്രതിഷേധവുമായി മുന്നോട്ട് പോകുമെന്നും റിയാസ് പറഞ്ഞു.
ഡി വൈ എഫ് ഐ അഖിലേന്ത്യാ കമ്മിറ്റിയുടെ അഹ്വാനപ്രകാരമാണ് സംസ്ഥാനത്തൊട്ടാകെ ഒരോ ജില്ലാക്കമ്മിറ്റിയും ചേര്‍ന്ന് ഒരുലക്ഷം കത്തുകള്‍ പ്രധാന മന്ത്രിക്കയച്ചത്.സംസ്ഥാന കമ്മിറ്റി അംഗങ്ങള്‍ ജില്ലാ നേതാക്കള്‍ തുടങ്ങിയവര്‍ പരിപാടിയില്‍ പങ്കെടുത്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
