കൂടത്തായിയിലെ ദുരൂഹമരണങ്ങള് തെളിയിക്കാന് കേരള പൊലീസ് നടത്തിയ പ്രയത്നം അഭിനന്ദനീയമെന്ന് മുഖ്യമന്ത്രി പിണറായി വിജയന്. ചുരുങ്ങിയ ദിവസങ്ങള്ക്കുളളില് തന്നെ കൊലപാതകങ്ങളുടെ എല്ലാ ദുരൂഹതകളും നീക്കാന് പൊലീസിനായി. അന്വേഷണത്തിന് ചുക്കാന് പിടിച്ച ഉദ്യോഗസ്ഥരെയും സഹായിച്ച ശാസ്ത്രീയ അന്വേഷണ സംഘത്തിലുള്ളവരെയും മുഖ്യമന്ത്രി അഭിനന്ദിച്ചു.
പതിനാറ് വര്ഷത്തിനുളളില് ആറു പേരെ കൊലപ്പെടുത്തിയ സംഭവങ്ങള് സാഹചര്യത്തെളിവുകളുടെയും ശാസ്ത്രീയ അന്വേഷണത്തിന്റെയും പിന്ബലത്തില് തെളിയിക്കാനാവുകയെന്നത് കുറ്റാന്വേഷണ ചരിത്രത്തില് അസാധാരണ സംഭവമാണ്. കേസന്വേഷണത്തില് മുന്പന്തിയില് തന്നെയാണ് എന്ന് കേരള പോലീസ് ഒരിക്കല്കൂടി തെളിയിച്ചിരിക്കുന്നതായും മുഖ്യമന്ത്രി പ്രസ്താവനയില് വ്യക്തമാക്കി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here