മാരുതിയുടെ ഏറ്റവും പുതിയ മിനി എസ്‌യുവിയായ എസ്-പ്രെസ്സോ തരംഗമാവുന്നു. പുറത്തിറങ്ങി 10 ദിവസം കൊണ്ട് 10,000 ബുക്കിങ് നേടിയിരിക്കുകയാണ് എസ്-പ്രെസ്സോ. 2018 ഓട്ടോ എക്‌സ്‌പോയിൽ പ്രദർശിപ്പിച്ച ഫ്യൂച്ചർ S കൺസെപ്റ്റിനെ ആധാരമാക്കിയാണ് എസ്‌യുവിയുടെ നിർമ്മാണം.
സെപ്റ്റംബർ 30 ന് പുറത്തിറങ്ങി പരുക്കൻ ഭാവമുള്ള എസ്-പ്രെസ്സോ വിപണിയിൽ റെനോ ക്വിഡിന്റെ പ്രധാന എതിരാളിയാണ്. Std, LXi, VXi, VXi+, VXi AGS and VXi+ AGS എന്നിങ്ങനെ ആറ് വകഭേദങ്ങളുണ്ട്.
3.69 ലക്ഷം രൂപ മുതൽ 4.91 ലക്ഷം രൂപയാണ് എക്സ്-ഷോറൂം വില.
68 bhp കരുത്തും 90 Nm torque ഉം സൃഷ്ടിക്കുന്ന 998 സിസി മൂന്ന് സിലിണ്ടർ എഞ്ചിനാണ് മിനി എസ്‌യുവിയുടെ കരുത്ത്.
അഞ്ച് സ്പീഡ് മാനുവൽ ഗിയർബോക്സാണ് നൽകിയിരിക്കുന്നത്. വകഭേദങ്ങളിൽ AGS ഓട്ടോമാറ്റിക്ക് ഗിയർബോക്സും ഉണ്ട്.
പെട്രോൾ-ഓട്ടോമാറ്റിക് പതിപ്പുകൾക്ക് ഒരു ലിറ്ററിൽ 21.7 കിലോമീറ്റർ മൈലേജ് ലഭിക്കുമെന്ന് നിർമ്മാതാക്കൾ അവകാശപ്പെടുന്നു. ഇത് രണ്ടും ചേർത്ത് വെച്ച് പരിശോധിച്ചാൽ ഫുൾ ടാങ്കിൽ പരമാവധി 586 കിലോമീറ്റർ മൈലേജ് ലഭിക്കുമെന്നാണ് കണക്കാക്കുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
