സ്വന്തമായൊരു വീടെന്ന സ്വപ്‌നം പൂവണിഞ്ഞ സന്തോഷത്തിലേക്ക് 86 കുടുംബങ്ങള്‍കൂടി. കരിമണ്ണൂര്‍ പഞ്ചായത്തില്‍ നിര്‍മാണം പൂര്‍ത്തിയാക്കിയ 48 വീടുകളുടെയും കോടിക്കുളം പഞ്ചായത്തില്‍ നിര്‍മാണം പൂര്‍ത്തിയാക്കിയ 38 വീടുകളുടെയും താക്കോല്‍ദാനമാണ് മന്ത്രി എംഎം മണി നിര്‍വഹിച്ചത്. കാര്യക്ഷമമായി പ്രവര്‍ത്തിച്ച പഞ്ചായത്ത് ഭരണ സമിതികളെ മന്ത്രി അഭിനന്ദിച്ചു.
ഇടത് പക്ഷമാണ് രണ്ട് പഞ്ചായത്തുകളും ഭരിക്കുന്നത്. തലചായ്ക്കാന്‍ ഇടം നല്‍കിയ സര്‍ക്കാരിനും പഞ്ചായത്തിനും നന്ദി പറയുകയാണ് ഉപഭോക്താക്കള്‍.
ചടങ്ങില്‍ പഞ്ചായത്ത് പ്രസിഡണ്ടുമാരായ ദേവസ്യ ദേവസ്യ, ഷേര്‍ഷി ആന്റണി, ലൈഫ് മിഷന്‍ ജില്ലാ കോര്‍ഡിനേറ്റര്‍ കെ പ്രവീണ്‍ തുടങ്ങിയവര്‍ പങ്കെടുത്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
