ബിഷപ്പ് ഫ്രാങ്കോ മുളയ്ക്കലിനെതിരെ വീണ്ടും പരാതിയുമായി ബലാത്സംഗക്കേസിലെ പരാതിക്കാരിയായ കന്യാസ്ത്രീ രംഗത്ത്. ബിഷപ്പ് ഫ്രാങ്കോ മുളയ്ക്കല് തന്നെ സാമൂഹ്യമാധ്യമങ്ങളിലൂടെ അപമാനിക്കുന്നുവെന്ന് കാട്ടി ദേശീയ വനിതാ കമ്മീഷനും സംസ്ഥാന വനിതാ കമ്മീഷനും കന്യാസ്ത്രീ പരാതി നല്കി.
അനുയായികളിലൂടെ യൂട്യൂബ് ചാനലുകളുണ്ടാക്കി ഫ്രാങ്കോ മുളക്കല് അപമാനിക്കുകയും ഭീഷണിപ്പെടുത്തുകയും ചെയ്യുന്നുവെന്നാണ് കന്യാസ്ത്രീയുടെ പരാതി. ഇരയെ സമൂഹമാധ്യമത്തില് തിരിച്ചറിയുന്നതിനിടയാക്കുന്ന തരത്തിലും അപകീര്ത്തിപ്പെടുത്തുന്ന വിധത്തിലും വീഡിയോകള് ഇറക്കുന്നതില് മനം നൊന്താണ് കന്യാസ്ത്രീ ഇപ്പോള് പരാതി നല്കിയിരിക്കുന്നത്.
നിലവില് ഫ്രാങ്കോ കേസില് ഇതുവരെ എട്ട് അനുബന്ധ കേസുകള് രജിസ്റ്റര് ചെയ്തിട്ടുണ്ട്. കേസിന്റെ നാള്വഴികളില് ഇരയാക്കപ്പെട്ട കന്യാസ്ത്രീയെ സ്വാധീനിക്കാനും ഭീഷണിപ്പെടുത്താനും അപമാനിക്കുവാനും ശ്രമിച്ചവര്ക്കെതിരെയുള്ള കേസുകളാണിത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here