സിലിയുടെ മരണത്തില് ഷാജുവിനു പങ്കുണ്ടെന്നാണു ക്രൈം ബ്രാഞ്ചിന്റെ നിഗമനം. ഇതിനാലാണു പോസ്റ്റ്മോര്ട്ടം പരിശോധനയെ ഷാജു എതിര്ത്തതെന്നാണു പൊലീസ് സംശയിക്കുന്നത്. ഷാജുവിനോട് കൂടുതല് അടുപ്പം വേണ്ടെന്ന സിലിയുടെ ആവര്ത്തിച്ചുള്ള മുന്നറിയിപ്പ് കൊലയ്ക്ക് കാരണമായെന്ന് ജോളി സമ്മതിച്ചു.സിലി കൊല്ലപ്പെടുമെന്ന് ഷാജുവിന് അറിയാമായിരുന്നു. സിലിയും മക്ള് ആല്ഫൈനും ജീവിച്ചിരിക്കുമ്പോള് ഷാജുവിനെ സ്വന്തമാക്കാനാകില്ലെന്ന് ഉറപ്പുള്ളതുകൊണ്ടാണ് കൊലപ്പെടുത്തിയത്.
സിലിയുടെ മരണം സ്ഥിരീകരിച്ച് ‘എവരിതിങ് ക്ലിയര്’ എന്ന ഫോണ് സന്ദേശം ഷാജുവിന് അയച്ചിരുന്നെന്ന് ജോളിയുടെ മൊഴി. സിലിയോടുള്ള അടങ്ങാത്ത വിരോധം കാരണം പ്രത്യേക മാനസികാവസ്ഥയില് ആയിരുന്നതാണ് സന്ദേശമയയ്ക്കാന് കാരണം. ഭര്ത്താവ് റോയി മരിച്ച ശേഷം ജോളി ഷാജുവുമായി നടത്തിയ സാമ്പത്തിക ഇടപാടുകളിലും സിലിക്ക് എതിര്പ്പുണ്ടായിരുന്നു. ഇത് സിലി ജോളിയോടുതന്നെ പലതവണ പറഞ്ഞു.
ഇതിന്റെ പേരില് ഷാജുവിന്റെ മാതാപിതാക്കള് സിലിയോട് കലഹിച്ചു. സിലിയുടെ മകള് ആല്ഫൈനെ കൊലപ്പെടുത്തി ആദ്യം പകതീര്ത്തു. ഭാര്യയുടെ കാര്യത്തിലും താന് തീര്പ്പുണ്ടാക്കുമെന്ന് ഷാജുവിനോട് ജോളി പറഞ്ഞിരുന്നു. മൗനമായിരുന്നു ഷാജുവിന്റെ മറുപടി. ഇത്തരത്തില് സിലിയുടെ കൊലപാതകത്തില് ഭര്ത്താവ് ഷാജുവിനും പങ്കുണ്ടെന്നു തന്നെയാണ് വ്യക്തമാകുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here