കോട്ടയം: കിടങ്ങൂരില്‍ പ്രായപൂർത്തിയാകാത്ത പെണ്‍കുട്ടി പീഡനത്തിനിരയായതായി പരാതി. രണ്ടു വർഷമായി അഞ്ചു പേർ ചേർന്ന് 13 വയസുകാരിയെ പീഡിപ്പിച്ചുവെന്നാണ് പരാതി.
സംഭവത്തിൽ നാലുപേർ കസ്റ്റഡിയിൽ. ഒളിവിൽ പോയ പ്രതിക്കായി പോലീസ് തിരച്ചിൽ ഊർജ്ജിതമാക്കി.
കുട്ടിയുടെ അസ്വാഭാവികപെരുമാറ്റം മനസിലാക്കിയ ബന്ധു കുട്ടിയോട് കാര്യങ്ങൾ തിരക്കിയപ്പോളാണ് പീഡനവിവരം കുട്ടി പറഞ്ഞത്.
കുട്ടിയെ ചികിത്സക്കായി കോട്ടയം മെഡിക്കൽ കോളേജിൽ കൊണ്ടുവന്നപ്പോൾ ഡോക്ടറിനോട് കൗൺസിലിങ്ങിൽ താൻ നേരിട്ട അതിക്രമം പെൺകുട്ടി തുറന്നു പറഞ്ഞു.
ഇതോടെയാണ് സംഭവം പോലീസിൽ റിപ്പോർട്ട് ചെയ്തത്. ജില്ലാ പോലീസ് മേധാവിക്ക് ലഭിച്ച പരാതിയുടെ അടിസ്ഥാനത്തിൽ നാലുപേരെ കസ്റ്റഡിയിൽ എടുത്തു.
ദേവസ്യ, റെജി, ജോബി, നാഗപ്പൻ എന്നിവരെ കിടങ്ങൂർ പോലീസാണ് കസ്റ്റഡിയിലെടുത്തത്. മറ്റൊരു പ്രതി ബെന്നി ഒളിവിലാണ്. ഇയാൾക്കായി പോലീസ് തിരച്ചിൽ ഊർജ്ജിതമാക്കി. പോക്സോ നിയമപ്രകാരമാണ് പോലീസ് കേസെടുത്തിരിക്കുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
