അഗാധമായ ഗർത്തത്തിന് സമീപം രണ്ട് വള്ളങ്ങളിലായി രണ്ട് പേർ മീൻ പിടിക്കുന്നതിന്‍റെ ഞെട്ടിക്കുന്ന ദൃശ്യങ്ങൾ പുറത്ത്. ഡെർബിഷെയറിലെ ലേഡിബൗവർ അണക്കെട്ടിൽ മീൻ പിടിക്കുവനായി ഇറങ്ങിയവരാണ് ഇവർ. അണക്കെട്ടിലുള്ള അധികജലം ഡെർവന്‍റ് നദിയിലേക്ക് ഒഴുകി പോകുവാനായി നിർമിച്ച ടണലിന്‍റെ ഭാഗമാണ് ഈ ഗർത്തം.
ഏകദേശം 66 അടി താഴ്ചയുള്ള ഗർത്തത്തിന് സമീപം പെഡൽ വള്ളത്തിലാണ് ഇവർ മീൻ പിടിച്ചത്. നായയുമായുള്ള പ്രഭാത നടത്തത്തിനിറങ്ങിയ ഫ്ളോ നെയിൽസണ്‍ എന്ന യുവതിയാണ് ഈ ദൃശ്യങ്ങൾ പകർത്തിയത്.
ഗർത്തത്തോട് ഏറെയടുത്ത് ഇവർ എത്തിയെങ്കിലും പിന്നീട് ഇവർ ദിശമാറ്റി പോകുകയായിരുന്നുവെന്ന് യുവതി പറഞ്ഞു. ദൃശ്യങ്ങൾ വൈറലായി മാറിയതിനെ തുടർന്ന് അണക്കെട്ടിന്‍റെ അധികൃതർ മുന്നറിയിപ്പ് നൽകിയിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
