മുംബൈ: അജിത് പവാര് മഹാരാഷ്ട്ര ഉപമുഖ്യമന്ത്രി സ്ഥാനം രാജിവച്ചു.
മുഖ്യമന്ത്രി ദേവേന്ദ്ര ഫഡ്നാവിസും ഇന്ന് രാജി പ്രഖ്യാപിക്കുമെന്നാണ് സൂചന. അജിത് പവാര് എന്സിപിയിലേക്ക് തന്നെ മടങ്ങുമെന്നാണ് റിപ്പോര്ട്ടുകള്.
നാളെ ദേവേന്ദ്ര ഫഡ്നാവിസ് സര്ക്കാര് നിയമസഭയില് വിശ്വാസവോട്ടെടുപ്പ് നടത്തണമെന്ന സുപ്രീംകോടതി വിധിക്കു പിന്നാലെയാണ് അജിത് പവാറിന്റെ രാജി.
ഉച്ചയ്ക്കു 12 മണിയോടെ അജിത് പവാര്, ഫഡ്നാവിസുമായി കൂടിക്കാഴ്ച നടത്തിയിരുന്നു. അജിത് പവാര് അടക്കം മൂന്ന് എംഎല്എമാരാണ് എന്സിപിയില്നിന്ന് ബിജെപിയെ പിന്തുണയ്ക്കുമെന്ന് അറിയിച്ചിരുന്നത്. നിലവില് 165 പേരുടെ പിന്തുണയുണ്ടെന്നാണ് എന്സിപി-ശിവസേന-കോണ്ഗ്രസ് സഖ്യം അവകാശപ്പെടുന്നത്.
തങ്ങള്ക്ക് സര്ക്കാര് രൂപീകരിക്കാനുള്ള ഭൂരിപക്ഷമില്ലെന്ന് അല്പസമയം മുന്പ് കേന്ദ്രമന്ത്രിയും ബിജെപി സഖ്യകക്ഷിയായ ആര്പിഐയുടെ നേതാവുമായ രാംദാസ് അതുലെ വ്യക്തമാക്കിയിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here