കാര്യവട്ടം ഗ്രീന്ഫീല്ഡ് സ്റ്റേഡിയത്തില് ഡിസംബര് എട്ടിന് നടക്കുന്ന ഇന്ത്യ വെസ്റ്റിന്ഡീസ് ടി20 ക്രിക്കറ്റ് മത്സരത്തിന്റെ ഓണ്ലൈന് ടിക്കറ്റ് വില്പ്പന ഇന്നാരംഭിക്കും. മെഗാസ്റ്റാര് മമ്മൂട്ടി ഓണ്ലൈന് ടിക്കറ്റ് വില്പ്പന ഉദ്ഘാടനം ചെയ്യും. വൈകിട്ട് ഏഴ് മണിക്ക് നടക്കുന്ന ഉദ്ഘാടനത്തിന് ശേഷം മാത്രമെ ടിക്കറ്റുകള് ഓണ്ലൈനില് ലഭ്യമാകു. ടിക്കറ്റ് ബുക്കിങ്ങിനായുള്ള ലിങ്ക് കെ.സി.എ വെബ്സൈറ്റില് ലഭിക്കുമെന്ന് കേരള ക്രിക്കറ്റ് അസോസിയേഷന് അറിയിച്ചു. കെ.സി.എയുടെ ടിക്കറ്റിങ് പാര്ട്ണര് പേടിഎം ആണ്.
പേടിഎം ആപ്പ്, പേടിഎം ഇന്സൈഡര്, പേടിഎംവെബ്സൈറ്റ് എന്നിവ വഴി ടിക്കറ്റുകള് ഓണ്ലൈനായി ബുക്ക് ചെയ്യാം. അപ്പര് ടയര് ടിക്കറ്റുകള്ക്ക് 1000 രൂപയും ലോവര് ടയര് ടിക്കറ്റുകള്ക്ക് 2000 രൂപയും സ്പെഷ്യല് ചെയര് ടിക്കറ്റുകള്ക്ക് 3000 രൂപയും എക്സിക്യൂട്ടീവ് പവലിയനില് 5000 രൂപയുമാണ് ടിക്കറ്റ് നിരക്ക്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here