സ്മാര്ട്ട്ഫോണുകളുടെ ക്യാമറ ഗുണനിലവാരത്തിനായി പരീക്ഷിക്കുന്ന സൈറ്റായ ഡിഎക്സ്ഒമാര്ക്ക്, 2019 ലെ മികച്ച ക്യാമറ ഫോണുകളുടെ ഒരു ലിസ്റ്റ് തന്നെ പുറത്തിറക്കിയിട്ടുണ്ട്.
ഏതാണ്ട് മുപ്പതോളം ഫോണുകള് താരതമ്യം ചെയ്തതില് നിന്നാണ് ഡിഎക്സ്ഒമാര്ക്ക് ഇത്തരമൊരു റാങ്കിംഗ് ഫോണുകള്ക്ക് നല്കിയിട്ടുള്ളത്.
മികച്ച ഓള്റൗണ്ടര് –
ഹുവാവേ മേറ്റ് 30 പ്രോ, ഷവോമി മി സിസി 9 പ്രോ പ്രീമിയം പതിപ്പ് എന്നിവയാണ് മികച്ച ഓള്റൗണ്ടര് സ്മാര്ട്ട്ഫോണുകളായി വെബ്സൈറ്റ് തെരഞ്ഞെടുത്തത്.
ആപ്പിളിന്റെ ഐ ഫോണിനെയും സാംസങ്ങിനെയും പിന്തള്ളിയാണ് ഈ ഫോണുകള് ഓള്റൗണ്ടര് പട്ടം നേടിയത്. ലിസ്റ്റില് ഇരുഫോണുകളും 121 സ്കോര് നേടി. ‘ഫോട്ടോയിലോ വീഡിയോ സാഹചര്യത്തിലോ മികച്ച പ്രകടനം ആവശ്യമുള്ള മൊബൈല് ഫോട്ടോഗ്രാഫര്മാര്ക്ക് മികച്ച ചോയ്സാണ്’ ഇരു ഫോണുകളുമെന്നാണ് ഡിഎക്സ്ഒമാര്ക്ക് പറയുന്നത്.
വീഡിയോ പ്രകടനം-
വീഡിയോകള് ഷൂട്ട് ചെയ്യുന്നതിനുള്ള മികച്ച ഫോണായി ആപ്പിളിന്റെ ഐഫോണ് തെരഞ്ഞെടുക്കപ്പെട്ടു. മികച്ച വീഡിയോ, സൂം, നൈറ്റ് ഫോട്ടോഗ്രാഫി, അള്ട്രാവൈഡ് ആംഗിള് ഷോട്ടുകള് എന്നിവയ്ക്കുള്ള റേറ്റിംഗില് 11 പ്രോ മാക്സിന് 102 സ്കോറാണ് നേടിയത്. ഷവോമി മി സിസി 9 പ്രോ, ഗൂഗിള് പിക്സല് 4 എന്നിവയ്ക്ക് യഥാക്രമം 102 ഉം 101 ഉം സ്കോറാണ് സൈറ്റ് നല്കിയിരിക്കുന്നത്.
സൂമിങ് ക്വാളിറ്റി-
സൂമിംങില് ഏറ്റവും മികച്ച ഫോണായി സൈറ്റ് കണ്ടെത്തിയത് ഷവോമിയുടെ മി സിസി 9 പ്രോ പ്രീമിയമാണ്. സെറ്റിന്റെ അവലോകനത്തില് ഫോണ് 109 മാര്ക്കുകള് സ്കോര് ചെയ്തു. ഹുവാവേ പി 30 പ്രോ അല്ലെങ്കില് ഗൂഗിള് പിക്സല് 4 എന്നിവയെ പിന്തള്ളിയാണ് റെഡ്മി സിസി 9 പ്രോയുടെ ഈ നേട്ടം. ഇരു ഫോണുകളും യഥാക്രമം 95 ഉം 81 ഉം പോയിന്റുകള് മാത്രമാണ് നേടിയത്.
അള്ട്രാ വൈഡ് ആംഗിള് ഷോട്ടുകള്-
മികച്ച അള്ട്രാ വൈഡ് ആംഗിള് ഷോട്ടുകള് ഷൂട്ട് ചെയ്യുന്നതില് സാംസങ് ഗാലക്സി നോട്ട് 10+ 5 ജി യാണ് മുന്നിട്ട് നില്ക്കുന്നത്. ഡിഎക്സ്ഒമാര്ക്കിന്റെ റാങ്കിംങില് ഫോണ് 42 എന്ന സ്കോര് നേടി. ആപ്പിള് ഐഫോണ് 11 പ്രോ മാക്സസിന്റെ സ്കോറാകട്ടെ 40 മാത്രമാണ്.
നൈറ്റ് ഫോട്ടോഗ്രാഫി-
നൈറ്റ് ഫോട്ടോഗ്രാഫിയില് 61 സ്കോര് നേടി ഹുവാവേ മേറ്റ് 30 പ്രോ ആണ് മുന്നില്.
ഹുവാവേ പി 30 പ്രോ, സാംസങ് ഗാലക്സി നോട്ട് 10+ 5 ജി, സാംസങ് ഗാലക്സി എസ് 10 5 ജി എന്നിവയെല്ലാം ഈ ടെസ്റ്റുകളില് 59 സ്കോറുകള് നേടി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here