കർണാടക ഉപതെരഞ്ഞെടുപ്പ്; ഫലം ഇന്നറിയാം

കൂറുമാറിയ എംഎൽഎമാരെ അയോഗ്യരാക്കിയതിനെ തുടർന്ന് കർണാടകയിലെ 15 മണ്ഡലങ്ങളിലേക്ക് നടന്ന ഉപതെരഞ്ഞെടുപ്പിന്റെ ഫലം ഇന്നറിയാം.

രാവിലെ 9 മണിയോടെ ആദ്യ ഫല സൂചനയും ഉച്ചയോടെ മുഴുവൻ ചിത്രവും വ്യക്തമാകും. യെദ്യൂരപ്പ സർക്കാരിന് വിധി നിർണാകമായതിനാൽ കടുത്ത ആശങ്കയിലാണ് ബിജെപി. ഭരണം നിലനിർത്താൻ കുറഞ്ഞത് 6 പേരുടെ വിജയം ബിജെപിക്ക് അനിവാര്യമാണ്.

225 അംഗ നിയമസഭയിൽ 113 പേരുടെ പിന്തുണയാണ് കേവല ഭൂരിപക്ഷത്തിന് വേണ്ടത്. 17 എംഎൽഎ മാരെ അയോഗ്യരാക്കിയതോടെ 105 എംഎൽഎമാരുടെ പിന്തുണയോടെയാണ് യെദ്യൂരപ്പ മുഖ്യമന്ത്രി ആയത്.