തിരുവനന്തപുരം: പൗരത്വ നിയമ ഭേദഗതിക്ക് എതിരെ സംസ്ഥാനത്ത് വിവിധ സംഘടനകള് ആഹ്വാനം ചെയ്ത ഹര്ത്താല് തുടരുന്നു.
ഹര്ത്താലിന്റെ ഭാഗമായി കടകള് അടപ്പിക്കാനും വാഹനങ്ങള് തടയാനും ശ്രമിച്ചവരെ പൊലീസ് കസ്റ്റഡിയിലെടുത്തു. പരീക്ഷകള്ക്ക് മാറ്റമില്ല. കെഎസ്ആര്ടിസി സര്വീസുകള് നടത്തുന്നുണ്ട്.
മുന്കരുതലിന്റെ ഭാഗമായി സംസ്ഥാനത്തിന്റെ പല ഭാഗങ്ങളില് നിന്നായി 300ഓളം പേരെ പൊലീസ് കരുതല് തടങ്കലില് ആക്കിയിട്ടുണ്ട്. മലപ്പുറത്തും പാലക്കാടും കെഎസ്ആര്ടിസി ബസ് തടയാന് ശ്രമിച്ച 25ഓളം പേരെ പോലീസ് കസ്റ്റഡിയിലെടുത്തു.
കോഴിക്കോട് കടകള് അടപ്പിക്കാനും വാഹനങ്ങള് തടയാനും ശ്രമിച്ച നാലു പേരും പൊലീസ് കസ്റ്റഡിയിലാണ്. അക്രമങ്ങള് തടയാന് കൂടുതല് പൊലീസിനെ വിന്യസിച്ചിട്ടുണ്ട്.
ആലുവയില് കെഎസ്ആര്ടിസി ബസിന് നേരെ കല്ലേറുണ്ടായി. ആലുവ – മൂന്നാര് റൂട്ടില് സര്വീസ് നടത്തുകയായിരുന്ന ബസിന് നേരെയാണ് കല്ലേറുണ്ടായത്.
മുന്കൂര് അനുമതി ഇല്ലാത്തതിനാല് ഹര്ത്താല് നിയമവിരുദ്ധമെന്ന് പൊലീസ് പ്രഖ്യാപിച്ചിട്ടുണ്ട്. ഹര്ത്താലിന്റെ മറവില് അക്രമം നടത്തുന്നവര്ക്കെതിരെ കര്ശന നടപടി സ്വീകരിക്കുമെന്നും പൊലീസ് വ്യക്തമാക്കിയിട്ടുണ്ട്.
അടിയന്തര സാഹചര്യം നേരിടാന് പോലീസ് കണ്ട്രോള് റൂമുകളില് അഗ്നിരക്ഷാസേന സ്ട്രൈക്കിങ് സംഘത്തെ വിന്യസിച്ചു. പ്രശ്നസാധ്യതയുള്ള മേഖലകളില് എക്സിക്യൂട്ടീവ് മജിസ്ട്രേറ്റുമാരെ നിയോഗിച്ചിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here