കോഴിക്കോട്ട് മാവോയിസ്റ്റ് പ്രവര്ത്തനവുമായി ബന്ധപ്പെട്ട് കേരള പോലീസ് ചാര്ജ് ചെയ്ത കേസ് കേന്ദ്ര സര്ക്കാര് ഇടപെട്ട് എന്ഐഎ ഏറ്റെടുത്തത് പ്രതിഷേധാര്ഹമാണെന്ന് സിപിഐഎം. ഈ കേസില് വ്യക്തമായ അന്വേഷണവുമായി സംസ്ഥാന പോലീസ് മുന്നോട്ടുപോകവെയാണ് കേന്ദ്ര സര്ക്കാര് അന്വേഷണം എന്ഐഎ യെ ഏല്പ്പിച്ചിരിക്കുന്നത്.
ക്രമസമാധാനം സംസ്ഥാന സര്ക്കാരിന്റെ ചുമതലയായിരിക്കെ സംസ്ഥാന സര്ക്കാരുമായി ആലോചന പോലും നടത്താതെ കേസ് എന്ഐഎ യെ ഏല്പ്പിച്ച കേന്ദ്ര സര്ക്കാരിന്റെ നടപടി പ്രതിഷേധാര്ഹമാണ്.
ഫെഡറല് സംവിധാനത്തെ ദുര്ബലപ്പെടുത്താന് മാത്രമേ ഇത് സഹായിക്കുകയുള്ളൂവെന്നും സിപിഐ(എം) സംസ്ഥാന സെക്രട്ടറിയേറ്റ് പ്രസ്താവനയില് പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here