സംസ്ഥാനത്തെ മുഴുവന് തദ്ദേശസ്വയംഭരണ സ്ഥാപനങ്ങളിലെയും അംഗങ്ങളുടെ എണ്ണം ഒരോന്ന് വീതം വര്ദ്ധിപ്പിക്കും .ഇതിനായി കേരള പഞ്ചായത്ത് രാജ് ആക്റ്റും കേരള മുന്സിപ്പാലിറ്റി ആക്റ്റും ഭേദഗതി ചെയ്യുന്നതിന് ഓര്ഡിനന്സ് പുറപ്പെടുവിക്കാന് ഗവര്ണ്ണറോട് ശുപാര്ശ ചെയ്യാന് മന്ത്രിസഭാ യോഗം തീരുമാനിച്ചു.
ഗ്രാമപഞ്ചായത്ത്, ബ്ലോക്ക് പഞ്ചായത്ത്, ജില്ലാപഞ്ചായത്ത്, മുന്സിപ്പാലിറ്റി, കോര്പ്പറേഷന് എന്നിവയ്ക്കെല്ലാം ഇത് ബാധകമാണ്. നിലവില് ഗ്രാമപഞ്ചായത്ത് അംഗങ്ങളുടെ എണ്ണം 13-ല് കുറയാനോ 23-ല് കൂടാനോ പാടില്ല. അത് 14 മുതല് 24 വരെ ആക്കാനാണ് ഓര്ഡിനന്സില് വ്യവസ്ഥചെയ്തിട്ടുള്ളത്. ബ്ലോക്ക് പഞ്ചായത്തിലെ അംഗങ്ങളുടെ എണ്ണവും ജില്ലാപഞ്ചായത്ത് അംഗങ്ങളുടെ എണ്ണവും ,നഗരസഭ കൗണ്സിലറന്മാരുടെ എണ്ണവും വര്ദ്ധിപ്പിക്കും ഓര്ഡിനന്സിന്റെ കരട് മന്ത്രിസഭ അംഗീകരിച്ചു. ജനസംഖ്യാ വര്ദ്ധനവിന് ആനുപാതികമായി അംഗങ്ങളുടെ എണ്ണം വര്ദ്ധിപ്പിക്കുക എന്നതാണ് ഓര്ഡിനന്സ് കൊണ്ട് ഉദ്ദേശിക്കുന്നത്.
നിയമവിരുദ്ധമായ അറസ്റ്റിനും പീഡനത്തിനും ഇരയായ മുന് ഐ.എസ്.ആര്.ഒ ശാസ്ത്രജ്ഞന് എസ്.നമ്പിനാരായണന് തിരുവനന്തപുരം സബ് കോടതിയില് ഫയല് ചെയ്ത കേസ് ഒത്തുതീര്പ്പാക്കുന്നതിന് 1.3 കോടി രൂപ അനുവദിക്കും .സുപ്രീംകോടതി നിര്ദ്ദേശപ്രകാരം നല്കിയ 50 ലക്ഷം രൂപയ്ക്കും ദേശീയ മനുഷ്യാവകാശകമ്മീഷന് ശുപാര്ശ ചെയ്ത 10 ലക്ഷം രൂപയ്ക്കും പുറമേ ആയിരിക്കും ഇത്. വിവിധ ഐ.എസ്, ഐ.പി.എസ് പ്രൊമോഷന് പാനലും ഇന്ന് ചേര്ന്ന മന്ത്രിസഭാ യോഗം അംഗീകരിച്ചു. മത്സ്യത്തൊഴിലാളികള് എടുത്ത കടങ്ങള്ക്ക് പ്രഖ്യാപിച്ച മൊറൊട്ടോറിയത്തിന്റെ കാലാവധി 2020 ഡിസംബര് 31 വരെ ദീര്ഘിപ്പിക്കും .
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here