ന്യൂസീലന്‍ഡിനെതിരായ മൂന്നാം ട്വന്റി-20യില്‍ ഇന്ത്യയുടെ വിജയത്തില്‍ രോഹിത് ശര്‍മ്മയുടെ പ്രകടനത്തിനൊപ്പം നിര്‍ണായകമായത് മുഹമ്മദ് ഷമി എറിഞ്ഞ അവസാന ഓവറാണ്. 20-ാം ഓവറില്‍ ന്യൂസീലന്‍ഡിന് വിജയിക്കാന്‍ ഒമ്പത് റണ്‍സ് മാത്രം മതിയായിരുന്നു.
ആദ്യ പന്തില്‍ സിക്സും രണ്ടാം പന്തില്‍ സിംഗിളും വഴങ്ങിയെങ്കിലും മൂന്നാം പന്തില്‍ ഷമി വില്ല്യംസണിന്റെ വിക്കറ്റെടുത്തു. പിന്നീട് അവസാന പന്തില്‍ റോസ് ടെയ്ലറെ ബൗള്‍ഡാക്കി മത്സരം സൂപ്പര്‍ ഓവറിലെത്തിച്ചു. ഈ പ്രകടനം ഇന്ത്യയുടെ വിജയത്തില്‍ നിര്‍ണായകമായി. ഇതോടെ ഷമിയും ഇന്ത്യയുടെ ഹീറോ ആയി.
ഇതിന് പിന്നാലെ ഷമിയുടെ രസകരമായ ഒരു വീഡിയോ പങ്കുവെച്ചിരിക്കുകയാണ് ഇന്ത്യന്‍ ടീമിലെ മലയാളി താരം സഞ്ജു വി സാംസണ്‍.
കുമ്പളങ്ങി നൈറ്റ്സ് എന്ന ചിത്രത്തില്‍ ഫഹദ് ഫാസില്‍ അഭിനയിച്ച ഷമ്മി എന്ന കഥാപാത്രം പറയുന്ന സംഭാഷണം മുഹമ്മദ് ഷമിയെകൊണ്ട് പറയിപ്പിച്ചിരിക്കുകയാണ് സഞ്ജു.
ടേബിള്‍ ടെന്നീസ് കളിക്കുന്നതിനിടയിലാണ് ഷമി കുമ്പളങ്ങി നൈറ്റ്സിലെ ഡയലോഗ് പറയുന്നത്. ഒരു ഷോട്ട് അടിച്ച ശേഷം സിനിമയില്‍ പറയുന്നതുപോലെ ‘ഷമ്മി ഹീറോയാടാ ഹീറോ…!’ എന്നാണ് ഷമി വീഡിയോയില്‍ പറയുന്നത്.
Get real time update about this post categories directly on your device, subscribe now.
