കേരളത്തില് കൊറോണവൈറസ് ബാധ സ്ഥിരീകരിച്ചു. ചൈനയിലെ വുഹാനില് നിന്നെത്തിയ മലയാളി വിദ്യാര്ഥിക്കാണ് കൊറോണ ബാധിച്ചതായി സ്ഥിരീകരിച്ചത്. കേന്ദ്ര ആരോഗ്യ മന്ത്രാലയമാണ് ഇക്കാര്യം സ്ഥിരീകരിച്ചത്. വുഹാന് സര്വകലാശാലയിലെ വിദ്യാര്ഥിയാണ്.
വിദ്യാര്ഥിയുടെ നിലഗുരുതരമല്ലെന്നും നിരീക്ഷണത്തില് തുടരുകയാണെന്നുമാണ് റിപ്പോര്ട്ട്.
കേരളത്തെ വിവരം അറിയിച്ചതായും കേന്ദ്ര ആരോഗ്യമന്ത്രാലയം വ്യക്തമാക്കി. തിരുവനന്തപുരത്ത് ആരോഗ്യമന്ത്രി ഉന്നതതല യോഗം വിളിച്ചു. ഇന്ത്യയില് ആദ്യമായിട്ടാണ് കൊറോണവൈറസ് സ്ഥിരീകരിക്കുന്നത്. ലോകാരോഗ്യ സംഘടനയുടെ മാനദണ്ഡം അനുസരിച്ച് രോഗ ബാധിതന്റെ പോരോ മറ്റു വിവരങ്ങളോ പുറത്തുവിട്ടിട്ടില്ല.ഇതുസംബന്ധിച്ച് സംസ്ഥാന സര്ക്കാരിന് വിവരം ലഭിച്ചിട്ടുണ്ടെന്നാണ് സൂചന.
സംസ്ഥാന ആരോഗ്യ മന്ത്രാലയം ഇക്കാര്യം ഔദ്യോഗിക പ്രതികരണം നടത്തിയിട്ടില്ല.അതേസമയം കോറോണ വൈറസ് ബാധിത മേഖലയില് നിന്ന് രക്ഷപ്പെടുത്തണമെന്നാവശ്യപ്പെട്ട് ചൈനയില് നിന്ന് രണ്ട് ഇന്ത്യന് വിദ്യാര്ത്ഥികളുടെ വീഡിയോ സന്ദേശം. വുഹാനില് കുടുങ്ങിയ തമിഴ്നാട് സ്വദേശിയായ വിദ്യാര്ത്ഥി ശ്രീമാനും, ഗുവാന്ഷുവില് നിന്ന് സഹായം തേടി ഹൈദരാബാദ് സ്വദേശിയായ മെഡിക്കല് വിദ്യാര്ത്ഥി ഡെഫീന് ജേക്കബുമാണ് സഹായമഭ്യര്ത്ഥിച്ച് രംഗത്തെത്തിയിരിക്കുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here