തിരുവനന്തപുരം: കൊറോണ വൈറസില് സംസ്ഥാനത്ത് ആശങ്ക അകലുന്നു. സംസ്ഥാനത്ത് 2210 പേര് നിരീക്ഷണത്തില് ഉണ്ടെന്നും 111 പേരെക്കൂടി വീട്ടിലെ നിരീക്ഷണത്തില് നിന്നും ഒഴിവാക്കിയെന്നും ആരോഗ്യവകുപ്പ് അറിയിച്ചു.
കാസര്ഗോഡ് കൊറോണ ബാധിച്ച് ചികിത്സയിലുള്ള വിദ്യാര്ത്ഥിയെ ഉടന് ഡിസ്ചാര്ജ് ചെയ്യുമെന്നും നിലവില് ആശുപത്രിയില് പ്രവേശിപ്പിക്കപ്പെട്ട ആരുടേയും ആരോഗ്യനിലയില് ആശങ്കയ്ക്ക് വകയില്ലെന്നും മന്ത്രി കെ കെ ശൈലജ വ്യക്തമാക്കി.
ലോകത്ത് 25 രാജ്യങ്ങളില് നോവല് കൊറോണ വൈറസ് രോഗം പടര്ന്നുപിടിക്കുന്ന സാഹചര്യത്തില് സംസ്ഥാനത്തെ വിവിധ ജില്ലകളിലായി 2210 പേര് നിരീക്ഷണത്തിലാണെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. ഇവരില് 2194 പേര് വീടുകളിലും 16 പേര് ആശുപത്രികളിലും നിരീക്ഷണത്തിലാണ്.
സംശയാസ്പദമായവരുടെ 415 സാമ്പിളുകള് എന്.ഐ.വി.യില് പരിശോധനയ്ക്ക് അയച്ചിട്ടുണ്ട്. ഇതില് 396 സാമ്പിളുകളുടെ പരിശോധനാ ഫലം നെഗറ്റിവ് ആണ്. ബാക്കിയുള്ളവരുടെ ഫലം വരാനുണ്ട്. നിലവില് ആശുപത്രിയില് പ്രവേശിപ്പിക്കപ്പെട്ട ആരുടേയും ആരോഗ്യനിലയില് ആശങ്കയ്ക്ക് വകയില്ലെന്നും മന്ത്രി വ്യക്തമാക്കി.
വുഹാനില് നിന്നും തിരിച്ചെത്തിയ കാസറഗോഡ് കാഞ്ഞങ്ങാട് ജില്ലാ ആശുപത്രിയില് ചികിത്സയിലുള്ള കൊറോണ വൈറസ് സ്ഥിരീകരിച്ച വിദ്യാര്ത്ഥിയുടെ തുടര് പരിശോധനാ ഫലം നെഗറ്റീവാണ്. ആരോഗ്യനില മെച്ചപ്പെട്ടതിനെ തുടര്ന്ന് ഈ വിദ്യാര്ത്ഥിയെ ഡിസ്ചാര്ജ് ചെയ്യാന് തീരുമാനിച്ചിട്ടുണ്ടെന്നും. എന്നാല് വീട്ടിലെ നിരീക്ഷണം തുടരുമെന്നും മന്ത്രി പറഞ്ഞു.
തൃശൂരില് ചികിത്സയിലുള്ള വിദ്യാര്ത്ഥിയെ മാത്രമാണ് കൊറോണ വൈറസ് സ്ഥിരീകരിച്ചവരില് ഇനി ഡിസ്ചാര്ജ് ചെയ്യാനുള്ളത്.പരിഷ്കരിച്ച മാര്ഗരേഖ അനുസരിച്ച് വീടുകളില് നിരീക്ഷണത്തില് കഴിഞ്ഞിരുന്ന 111 വ്യക്തികളെ ഇന്ന് ഒഴിവാക്കിയിട്ടുണ്ട്. എങ്കിലും കൊറോണ വൈറസ് രോഗബാധയ്ക്കെതിരെ ജാഗ്രത തുടരുകയാണെമ്മും കെ കെ ശൈലജ പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here