തിരുവനന്തപുരം: അവിനാശിയിലെ അപകടത്തിന് കാരണം കണ്ടെയ്നർ ലോറി ഡ്രൈവർ ഉറങ്ങിയതാവാം എന്നാണ് സംശയം. തമിഴ്നാട്-കേരള പൊലീസ് സംഘം കണ്ടെയ്നര് ഡ്രൈവറുടെ മൊഴിയെടുത്തു.
കണ്ടെയ്നർ ഡ്രൈവർ ഹേമരാജ് അപകടത്തിന് പിന്നാലെ പൊലീസിൽ കീഴടങ്ങിയിരുന്നു. കണ്ടെയ്നർ ലോറി നിയന്ത്രണം വിട്ട് ദേശീയപാതയുടെ മീഡിയനിലൂടെ 50 മീറ്റർ സഞ്ചരിച്ച ശേഷമാണ് എതിർ ദിശയിൽ വന്ന ബസിലിടിച്ചതെന്ന് മോട്ടോർ വാഹനവകുപ്പിന്റെ പ്രാഥമിക പരിശോധനയിൽ വ്യക്തമായിട്ടുണ്ട്.
മീഡിയനിൽ കയറിയതിന് പിന്നാലെ കണ്ടെയ്നറിന്റെ ടയർ പൊട്ടി. ഇതോടെ വശത്തേക്ക് ചെരിഞ്ഞ് ബസിന്റെ വലത് വശത്തേക്ക് ഇടിച്ചുകയറുകയായിരുന്നു. തമിഴ്നാട് പോലീസ് ലോറി ഡ്രൈവറുടെ അറസ്റ്റ് രേഖപ്പെടുത്തിയിട്ടുണ്ട്. മനപൂർവമല്ലാത്ത നരഹത്യയ്ക്കാകും ഇയാൾക്കെതിരേ കേസെടുക്കുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here