തിരുവനന്തപുരം: കൊറോണ പ്രതിരോധത്തിന്റെ ഭാഗമായി വിദ്യാഭ്യാസ സ്ഥാപനങ്ങള്ക്ക് സര്ക്കാര് പ്രഖ്യാപിച്ച അവധി മെഡിക്കല് വിദ്യാഭ്യാസ സ്ഥാപനങ്ങള്ക്ക് ബാധകമല്ലെന്ന് മെഡിക്കല് വിദ്യാഭ്യാസ വകുപ്പ് ഡയറക്ടര് അറിയിച്ചു. പ്രൊഫഷണല് കോളേജുകള് ഉള്പ്പെടെയുള്ള എല്ലാ കോളേജുകളും മാര്ച്ച് 31 വരെ അടച്ചിടുമെന്ന് സര്ക്കാര് പ്രഖ്യാപിച്ചിരുന്നു.
എസ്എസ്എല്സി പരീക്ഷയും എട്ട്, ഒമ്പത് ക്ലാസുകളിലെ പരീക്ഷയും മാറ്റിവെയ്ക്കുന്നില്ല. ഈ പരീക്ഷകള് എഴുതാന് വരുന്നവരില് ആര്ക്കെങ്കിലും രോഗലക്ഷണങ്ങള് ഉണ്ടെങ്കില് അവരെ പ്രത്യേക മുറിയില് പരീക്ഷ എഴുതിക്കും.
ട്യൂഷന് ക്ലാസുകള്, സ്പെഷ്യല് ക്ലാസുകള്, അവധിക്കാല ക്ലാസുകള് തുടങ്ങിയവയെല്ലാം ഒഴിവാക്കണം.മദ്രസകള്, അങ്കണവാടികള്, ട്യൂറ്റോറിയലുകള് എന്നിവയും മാര്ച്ച് 31 വരെ അടച്ചിടണം. അങ്കണവാടികളില് പോകുന്ന കുട്ടികള്ക്കുള്ള ഭക്ഷണം അവരവരുടെ വീടുകളില് എത്തിക്കും.
പരീക്ഷ ഒഴികെ വിദ്യാഭ്യാസ സ്ഥാപനങ്ങളില് ഒരു തരം പഠനപ്രവര്ത്തനവും മാര്ച്ച് 31 വരെ ഉണ്ടാകരുത് എന്നാണ് തീരുമാനം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here