പത്തനംതിട്ട ജില്ലയില് കോവിഡ് 19 സ്ഥിരീകരിച്ച രോഗികൾ സഞ്ചരിച്ച സ്ഥലങ്ങളും സമയവും ആരോഗ്യവകുപ്പ് പുറത്തുവിട്ടു. രോഗികള് സന്ദര്ശിച്ച സമയത്ത് അതാത് സ്ഥലങ്ങളില് ഉണ്ടായിരുന്നവരെല്ലാം ശ്രദ്ധിക്കണമെന്നാണ് അറിയിപ്പ്. പ്രസ്തുത സമയത്ത് അവിടെ ഉണ്ടായിരുന്നവര് 9188297118, 9188294118 എന്നീ നമ്പരുകളിൽ ബന്ധപ്പെടണം.
ആരോഗ്യവകുപ്പിന്റെ അറിയിപ്പ്:
പത്തനംതിട്ട ജില്ലയില് കോവിഡ് 19 സ്ഥിരീകരിച്ച ഏഴു വ്യക്തികള് 2020 ഫെബ്രുവരി 29 മുതല് ആശുപത്രിയില് പ്രവേശിപ്പിച്ച മാര്ച്ച് 6 വരെയുള്ള ദിവസങ്ങളില് യാത്ര ചെയ്ത പൊതുസ്ഥലങ്ങള്, അവിടെ അവര് ചിലവഴിച്ച സമയം എന്നീ കാര്യങ്ങളാണ് ഈ ചാര്ട്ടിലൂടെ പ്രസിദ്ധീകരിക്കുന്നത്.
നിശ്ചിത തീയതിയില് നിശ്ചിത സമയത്ത് ഈ സ്ഥലങ്ങളില് ഉണ്ടായിരുന്ന വ്യക്തികള് ആരോഗ്യ വിഭാഗത്തിൻെറ സ്ക്രീനിങ്ങില് ഉള്പ്പെട്ടിട്ടുണ്ടോ എന്ന് ഉറപ്പുവരുത്തുന്നതിനാണ് ഇത് പ്രസിദ്ധപ്പെടുത്തുന്നത്. അവര് 9188297118, 9188294118 എന്നീ നമ്പറുകളിൽ ബന്ധപ്പെടണം.
ഇതില് വലിയ വിഭാഗം ആളുകളെ ആരോഗ്യ വിഭാഗം പ്രവര്ത്തകര് ബന്ധപ്പെട്ട് ആവശ്യമായ നടപടികള് സ്വീകരിച്ചു കാണും. ചില ആളുകളെങ്കിലും നിര്ഭാഗ്യവശാല് ആരോഗ്യ വിഭാഗത്തിന്റെ ശ്രദ്ധയില്പ്പെടാതെ വന്നിട്ടുണ്ടാകും.
അത്തരം ആളുകള്ക്ക് ആവശ്യമായ സഹായങ്ങള് ചെയ്യുന്നതിനാണ് ഫോണില് ബന്ധപ്പെടാന് അഭ്യര്ഥിക്കുന്നത്. എല്ലാവരും സഹകരിക്കണമെന്ന് അഭ്യര്ഥിക്കുന്നു.
ജില്ലയില് രോഗം സ്ഥിരീകരിച്ച ആദ്യ അഞ്ചുപേര് സഞ്ചരിച്ച തീയതിയും സ്ഥലങ്ങളുമാണ് പി 1 ക്ലസ്റ്ററില്. പി 2 ക്ലസ്റ്ററില് ഉള്പ്പെട്ടത് കോഴഞ്ചേരി ജില്ലാ ആശുപത്രിയില് മാര്ച്ച് 10ന് രോഗം സ്ഥിരീകരിച്ച രണ്ടു പേര് സഞ്ചരിച്ച തീയതിയും സ്ഥലങ്ങളുമാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here