അശ്ലീല ദൃശ്യങ്ങള് പുറത്ത് വിടുമെന്ന് ഭീഷണിപ്പെടുത്തിയ യുവാവിനെതിരെ തമിഴ് നടി നമിത രംഗത്ത്. ഇന്സ്റ്റാഗ്രാമിലൂടെ അയാളുടെ ചിത്രവും അക്കൗണ്ട് വിവരങ്ങളും പുറത്തുവിട്ടാണ് നമിതയുടെ പ്രതികരണം.
നമിതയുടെ വാക്കുകള്:
”ഹായ് ഐറ്റം എന്ന് വിളിച്ചായിരുന്നു എല്ലാത്തിന്റെയും തുടക്കം. അതെന്റെ ശ്രദ്ധയില് പെട്ടപ്പോള് ഞാന് ചോദിച്ചു. ആരോ അയാളുടെ അക്കൗണ്ട് ഹാക്ക് ചെയ്തു എന്നായിരുന്നു മറുപടി. പിന്നീട് ഭീഷണിയുടെ സ്വരമായി.
എന്റെ അശ്ലീലദൃശ്യങ്ങള് കണ്ടിട്ടുണ്ടെന്നും അത് അയാള് ഓണ്ലൈനില് പോസ്റ്റ് ചെയ്യുമെന്നും പറഞ്ഞ് ഭീഷണിപ്പെടുത്തി. ഞാന് പറഞ്ഞു, ദയവായി നീ അത് ചെയ്യ്, ജനങ്ങളെ അഭിമുഖീകരിക്കാന് എനിക്ക് പേടിയില്ല.
ഇതാണ് അയാളുടെ മുഖം, വൃത്തിക്കെട്ട മനസ്സിന് ഉടമ, സ്ത്രീകളെ എന്തു വേണമെങ്കിലും പറയാന് തനിക്ക് അവകാശമുണ്ടെന്ന് ധരിച്ച് വച്ചിരിക്കുന്ന വ്യക്തി. ഗ്ലാമര് ഇന്ഡസ്ട്രിയില് ജോലി ചെയ്യുന്നു എന്നത്കൊണ്ട് ഞാന് ഇതെല്ലാം സഹിക്കണം എന്നാണോ?. എന്റെ മൗനത്തെ എന്റെ ബലഹീനതയായി കാണരുത്. ഒരു യഥാര്ഥ പുരുഷന് മാത്രമേ സ്ത്രീകളെ ബഹുമാനിക്കാന് കഴിയൂ.
കാരണം മറ്റുള്ള സ്ത്രീകളെ അപമാനിക്കുമ്പോള് അത് സ്വന്തം അമ്മയെ അപമാനിക്കുന്നതിന് തുല്യമാണെന്ന് അയാള്ക്ക് അറിയാം. സ്ത്രീകളെ ബഹുമാനിക്കാന് പഠിക്കൂ.”
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here