ദുബായ്: കൊറോണ വൈറസ് വ്യാപനം തടയുന്നതിന്റെ ഭാഗമായി ഊര്‍ജിതമായ അണുനശീകരണ പ്രവര്‍ത്തനങ്ങള്‍ക്കായി ദുബായ് ദേരയിലെ പുരാതന വാണിജ്യ കേന്ദ്രമായ അല്‍ റാസ് ഏരിയ 14 ദിവസത്തേക്ക് പൂര്‍ണമായും അടച്ചുപൂട്ടി.
നിരോധനം നിലനില്‍ക്കുന്ന ഈ കാലയളവില്‍ ഇവിടെയുള്ള താമസക്കാര്‍ക്ക് പുറത്തേക്കു പോകുന്നതിനോ, പുറത്തുനിന്നും ആളുകള്‍ക്ക് ഇവിടെ വരുന്നതിനോ സാധിക്കില്ല. 24 മണിക്കൂറും ഈ വിലക്ക് ബാധകമാണ്.
ദുബായ് ക്രൈസിസ് ആന്‍ഡ് ഡിസാസ്റ്റര്‍ മാനേജ്‌മെന്റ് സുപ്രീം കമ്മിറ്റിയാണ് ഇതു സംബന്ധിച്ച ഉത്തരവ് പുറപ്പെടുവിച്ചത്.
ദുബായിലെ മൊത്തവ്യാപാര മേഖലയുടെ കേന്ദ്രവും, പുരാതന വാണിജ്യകേന്ദ്രവുമാണ് അല്‍റാസ്. കൂടുതല്‍ ആളുകള്‍ തിങ്ങിനിറഞ്ഞു താമസിക്കുന്നതും, ഇടുങ്ങിയ റോഡുകള്‍ ഉള്ളതുമായ ഈ പ്രദേശത്താണ് ദേര ഗോള്‍ഡ് സൂക്ക്, സ്‌പൈസ് സൂക്ക്
എന്നിവ സ്ഥിതിചെയ്യുന്നത്. ലോകത്തിലെ എല്ലാ രാജ്യങ്ങളില്‍ നിന്നുമുള്ള ആളുകള്‍ നിരന്തരം എത്തുന്ന ഈ പ്രദേശത്ത് മാര്‍ച്ച് 31 മുതല്‍ ഏപ്രില്‍ 14 വരെയാണ് ലോക്ക് ഡൌണ്‍ പ്രഖ്യാപിച്ചിരിക്കുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
