കര്ണാടക ദേശീയ പാത അതിര്ത്തി അടച്ചതോടെ ചികിത്സ കിട്ടാതെ കാസര്കോട് ഒരാള്കൂടി മരിച്ചു. അതിര്ത്തി ഗ്രാമമായ ഹൊസങ്കടി സ്വദേശി രുദ്രപ്പയാണ് മരിച്ചത്.
ഹൃദ്രോഗി ആയിരുന്ന ഇയാള് മംഗളുരുവിലായിരുന്നു ചികിത്സ നടത്തിയിരുന്നത്. ഇയാളുടെ വീട്ടില് നിന്നും എട്ട് കിലോമീറ്റര് മാത്രമേ മംഗലൂരുവിലെ ആശുപത്രിയിലേക്കുള്ളു. എന്നാല് അതിര്ത്തി അടച്ചതോടെ സ്ഥിരമായുണ്ടായിരുന്ന ചികിത്സ നല്കാന് കഴിഞ്ഞില്ല.
പ്രദേശത്തെ വിഎച്ച്പി പ്രവര്ത്തകനാണ് രുദ്രുപ്പ.
ഒന്നര വര്ഷം മുന്പ് ഹൃദയ ശസ്ത്ര ക്രിയക്ക് വിധേയനായിരുന്ന ഇയാളെ നെഞ്ച് വേദനയെ തുടര്ന്ന് ഉപ്പളയിലെ ക്ലിനിക്കില് എത്തിച്ചെങ്കിലും മരിക്കുക ആയിരുന്നു. ഇതോടെ കാസര്കോട് ജില്ലയില് വിദഗ്ദ്ധ ചികിത്സ കിട്ടാതെ മരിച്ചവരുടെ എണ്ണം 8 ആയി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here