ബെയ്ജിങ്: വുഹാനില് 76 ദിവസമായി തുടരുന്ന ലോക്ക്ഡൗണ് ബുധനാഴ്ച പൂര്ണമായും അവസാനിച്ചു. ആഗോള പ്രതിസന്ധിയായി തീര്ന്നിരിക്കുന്ന കൊറോണവ്യാപനത്തിന്റെ പ്രഭവകേന്ദ്രമായ വുഹാനില് ലോക്ക്ഡൗണ് അവസാനിച്ചതോടെ പ്രാദേശികാതിര്ത്തികള് തുറന്നെങ്കിലും ചുരുക്കം ചില നിയന്ത്രണങ്ങള് നിലനില്ക്കും.
നഗരത്തില് കൊറോണാഭീഷണി കുറഞ്ഞുവെങ്കിലും മറ്റ് രോഗങ്ങള്ക്കുള്ള സാധ്യത നിലനില്ക്കുന്നതായി ആരോഗ്യവിദഗ്ധര് മുന്നറിയിപ്പ് നല്കിയിട്ടുണ്ട്. വൈറസ് വ്യാപനത്തെ തുടര്ന്ന് ജനുവരി 23 മുതലാണ് ഹ്യുബെ തലസ്ഥാനമായ വുഹാനില് ലോക്ക്ഡൗണ് ഉള്പ്പെടെയുള്ള നിയന്ത്രണങ്ങള് ഏര്പ്പെടുത്തിയത്. 2019 ഡിസംബറിലായിരുന്നു വുഹാനില് വൈറസ് ബാധ പൊട്ടിപ്പുറപ്പെട്ടത്.
ട്രെയിന്, വിമാനസര്വീസുകള് ബുധനാഴ്ച പുനരാരംഭിക്കുന്നതോടെ വുഹാനില് ഗതാഗതം സാധാരണ നിലയിലാവും. 55,000 ത്തോളം യാത്രക്കാര് ഇന്ന് വുഹാനില് യാത്രക്കെത്താനുള്ള സാധ്യതയുണ്ടെന്ന് വുഹാന് റെയില്വെ അധികൃതര് അറിയിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here