രാജ്യത്ത്‌ കോവിഡ്‌ ബാധിതര്‍ 14,000 കടന്നു. മരണം അഞ്ഞൂറിനോടടുത്തു. 24 മണിക്കൂറിനിടെ 32 പേര്‍ മരിച്ചു. 1076 രോഗികളെക്കൂടി കണ്ടെത്തി.
സംസ്ഥാനങ്ങളിൽനിന്നുള്ള കണക്കനുസരിച്ച് മരണം 483, രോഗികള്‍ 14,047. ആരോഗ്യമന്ത്രാലയത്തിന്റെ അവസാന കണക്ക്‌ പ്രകാരം 452 പേര്‍ മരിച്ചു, 13,835 രോഗികള്‍. 1766 പേർ രോഗവിമുക്തരായി.
മഹാരാഷ്‌ട്രയിൽ രോഗികള്‍ 3221 ആയി. 195 പേർ മരിച്ചു. 286 പുതിയ രോഗികളില്‍ 77 പേരും മുംബൈയിലാണ്‌.
ധാരാവിയിൽ 15 രോഗികൾകൂടി. ഗുജറാത്തിൽ 78ഉം രാജസ്ഥാനിൽ 62ഉം തമിഴ്‌നാട്ടിൽ 56ഉം കർണാടകത്തിൽ 38ഉം പുതിയ കേസുകൾ റിപ്പോർട്ട്‌ ചെയ്‌തു.
രോഗികളുടെ വർധനയുടെ നിരക്കിൽ 40 ശതമാനം കുറവ്‌ വന്നതായി കേന്ദ്രം അവകാശപ്പെട്ടു. രാജ്യത്ത്‌ 13 ശതമാനം പേർ രോഗമുക്തരായി.
രോഗമുക്തി– മരണ നിരക്ക്‌ അനുപാതം നിലവിൽ 80:20 ആണ്‌. 80 ശതമാനം പേർ രോഗമുക്തരാകുമ്പോൾ 20 പേര്‍ മരിക്കുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
